Острый психоз

«Астана медицина университеті» АҚ
Психиатрия және наркология кафедрасы

Ауру тарихы

                                                                              Орындаған:

                                                            Тобы: 

                                                                                        Қабылдаған: 

           Астана, 2018 ж.

1. Паспорттық бөлім:
Аты – жөні:
Туылған жылы:1961 ж.
Ұлты: орыс

Мамандығы: тракторист
Жұмыс орны: жеке меншік орнында
Мекен – жайы : Петрова, 3
Түскен мерзімі: 06.03.2018 ж,  жедел-жәрдеммен


2. Жалпы мәлімет және шағымдары:

   Біріншілікті түсуі, ауруханаға туыстары арқылы бірінші рет түсті. Түсу себептері: үйінде және көшеде оны үнемі аңдып, пәтеріндегі қабырғаларда екі тесігі бар пластикалық түтікше арқылы  тыңдау аппараттары орнатылып бақылау жүргізілетініне, ас бөлмесінде, балконда еденде арнайы тесіктер арқылы улы газды жібергеніне, жуыну бөлмесінде жоғарыдан күйдіретін тамшылардың тамып тұруына және лазердің терісін күйдіруіне шағымданды.

3. Өмір тарихы:

А) тұқымқуалаушылық – отбасында бірінші бала. Материалдық жағдайы – орташа. Туыстарында нервтік, психикалық бұзылыстар мен ауруларды теріске шығарады. Ата-анасы қайтыс болған.
Б) Жеке анамнез: анасының жүктіліг және босануы қалыпты өткен, балалық шағында өсіп-дамуы қалыпты болған. Мектепте сабақ үлгерімі орташа. 8 жасынан алкогольді өнімдерді тұтына бастаған. 10 жасында бас-ми жарақатын алған. 2011 жылы әйелімен ажырасқаннан кейін мас күйінде төбелеске түсіп, текпешектен оны итерген. Бірнеше рет айықтырғыш орындарына түскен. 28.02.17 жылы геморройдың ауыр дәрежесі бойынша операция жасалынды. Трактор айдаушы болып жұмыс атқарған. Әскерде борышын өтемеген. Отбасылық жағдайы –ажырасқан, балалары жоқ.

          4. Ауру тарихы:

   Науқастың айтуы бойынша 10.09.2017 жылы көшеде әйелімен бірге серуендеп жүргенде көшенің қарсы бетінде полиция қызметкерлерін көрген. Олар науқасты танып суретке түсіргенін айтты. Телефонына қарап: «Бұл сол!», - деп айтқан. Сосын оның суретін интернетке жіберіп, студенттерде оның суреті болғанын және аңдығанын айтты. Әйелінің көйлегінде кішкентай  микрофон болғанын және оны әйелінің бұрынғы күйеуі қойдырғанын айтты. Бұрынғы күйеуі полицияда қызмет атқарады. Сосын маңына спорттық үлгідегі көлік тоқтап, рөлдегі адамға полиция қызметкерлері «тоқта» деп ишарат білдірген. Айтуы бойынша барлық жерде оның суреті бар. Оның телефоны, домофоны тыңдауға алынған. Осындай аңду, тыңдаулардың себебі пәтерге деген талас. Әйелі пәтерді өзіне қалдырғысы келген. Сол үшін дау болған. Айтуы бойынша пәтеріндегі қабырғаларда екі тесігі бар пластикалық түтікше арқылы  тыңдау аппараттары орнатылып бақылау жүргізілген. Сол түтікшелер арқылы аңдушылармен сөйлескен, олардың әнгімесін естіген. Олар науқасқа жала жауып, кінәлаған «үйдің егесі-әйелің» деп айтқан. Ас бөлмесінде, балконда еденде арнайы тесіктер арқылы улы  газды жіберген, қышқылтым газ иісін сезінгенін айтты. Сол себепті құлағына, мұрнына мақта тығып ауызбен тыныс алған. Ол тесіктерді газетпен жапқан. Қабырғалардағы тесіктер арқылы лазер өтіп күйдірген. Жуыну бөлмесінде жоғарыдан тамшылардың тамып, мойын, бас, қол терісін күйдірген. Үйінде табуретканың үстінде ұйықтаған, кез келген уақытта дайын болу үшін. Бұрын соңды емделмеген.

5.Объективті зерттеу.  Соматикалық статус:
Жалпы көрінісі – қанағаттанарлық, дене бітімі – нормостеникалық, бойы- 167 см, салмағы – 60 кг.

Тынысы везикулярлы, минутына 20 рет. Жүрек соғысы анық, ритмді, шулар естілмейді, пульсі 79 рет, екі қолда бірдей. АҚ 110/70 мм.с.б.

Тері және шырышты қабаттар: Тері және шырышты қабаттары қалыпты түсте, орташа ылғалды. Таза, бөртпелер жоқ, эластикалығы сақталған. Көзге көрінетін шырышты қабаттары: таза, күлгін түсті, ылғалды. Тері тургоры сақталған. Тері асты қабаттары: жақсы дамыған.