«Биология» пәнінен зертханалық және практикалық сабақтарды өткізудің әдістемелік ерекшеліктері

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ

М.ӨТЕМІСОВ АТЫНДАҒЫ БАТЫС ҚАЗАҚСТАН МЕМЛЕКЕТТІК УНИВЕРСИТЕТІ

АСКАРОВА АЙДАНА АСКАРОВНА

БЕЛГІЛІ БИОЛОГИЯ ТАҚЫРЫПТАРЫ БОЙЫНША ӨЗДІК ЗЕРТХАНАЛЫҚ ЖҰМЫСТАРДЫ ӨТКІЗУ ӘДІСТЕМЕСІ

(КУРСТЫҚ ЖҰМЫС)

5В011300-БИОЛОГИЯ

Ғылыми жетекші: б.ғ.к., доцент

Бимагамбетова Г.А

Орал, 2016

МАЗМҰНЫ

КІРІСПЕ_________________________________________________________3

І.«БИОЛОГИЯ» ПӘНІНЕН ЗЕРТХАНАЛЫҚ ЖӘНЕ    

ПРАКТИКАЛЫҚ САБАҚТАРДЫ ӨТКІЗУ___________________________7

1.  «Биология» пәнінен зертханалық және практикалық сабақтарды

өткізудің әдістемелік ерекшеліктері__________________________________9

1.  «Биология» пәнінен зертханалық және практикалық сабақтарды  

өткізудің тиімді тәсілдері__________________________________________26

ІІ. БЕЛГІЛІ БИОЛОГИЯ ТАҚЫРЫПТАРЫ БОЙЫНША ӨЗДІК

ЗЕРТХАНАЛЫҚ ЖҰМЫСТАРДЫ ӨТКІЗУ ӘДІСТЕМЕСІ__________28

2.1 Оқушылардың өз бетімен жұмыс жасау біліктіліктерін қалыптастырудың педагогикалық психологиялық негіздері_____________________________31

2.2 Физиологиялық мазмұндағы тәжірибелерді талдау_________________32            

2.3 Морфологиялық тақырыптағы зертханалық жұмыстарды ұйымдастыру

және өткізу______________________________________________________33                                                                                        

2.4 «Биология» пәнінен зертханалық сабақтарды ұйымдастырып өткізу мысалдары_______________________________________________________32

ҚОРЫТЫНДЫ__________________________________________________43

ПАЙДАЛАНЫЛҒАН ӘДЕБИЕТТЕР ТІЗІМІ_________________________44

КІРІСПЕ

Биология ғылымы – эксперименталдық ғылым. Оқушылардың биологияға деген қызығушылығын дамыту үшін зертханалық және практикалық сабақтардың маңызы орасан зор. Зертханалық, практикалық сабақ кезінде оқушылар бұрын сабақта алған білімдерін практикада өз бетімен жұмыс жасау кезінде ұштастырып, білім деңгейін кеңейте алады. Сондықтан шағын жинақты мектептерде биология пәнінен өтікізілетін зертханалық, практикалық сабақтар өз мәнінде өткізіліп, оқушылардың ойлау қабілетін арттыру, білімге деген құштарлығын ұштау қажет деп ойлаймыз.

Қазіргі таңда биология пәнінен зертханалық және практикалық сабақтарды өткізудің жалпыға бірдей қабылданған жан-жақты әдістемесі жоқ екендігін айта кеткеніміз жөн. Дегенмен, іс жүзінде шағын жинақты мектепте зертханалық және практикалық жұмыстарды өткізуге толық жағдай жасалмағандықтан, оларды ресурстық орталықтарда өткізу ге мүмкіндік жасалып отыр.

Бүгінгі таңда өскелең ұрпақтың өз бетінше жұмыс істеу қасиеттерін қалыптастыру, оқу танымдық қызығушылығын арттыру, оқу тәрбие ісіндегі жетістіктердің қыры мен сырын білу міндеттерін айқындау, соның ішінде  мектептердегі білім мен тәрбие беру тәжірибесіне сүйену ерекше көкейкесті мәселе. Қоғамдық дамудың қазіргі кезеңдегі жаңаша ой-пікірлер мен педагогикалық көзқарастараның қалыптасу белесінде әлеуметтік педагогика ғылымдарының ауқымыдылығы кеңейіп оларды   зерттеу жан-жақты толыға түсуде. ҚР «Білім туралы” заңы қабылданып, оның негізінде “Білім” мемлекеттік бағдарламасы жалпы білім беретін мекетептің орта буыны арасындағы білім мазмұнының тұжырымдамасы қабылданды. Осыған орай еліміздің қайта өркендеуі, әлемдік желілерге көтерілуі жағдайында биология пәнін оқытудағы белгілі биологиялық тақырыптары бойынша зертханалық жұмыстарды жүргізу әдістемесінің маңызын арттыру, оқушылардың дүниетанымдық көзқарастарын қалыптастыру, оны педагогикалық-психологиялық тұрғыдан дұрыс басқару қазіргі кездегі объективті қажеттілік.