Сингапурдың даму жолы және реформаларға қажеттілік

Мазмұны

Кіріспе        3

1. Сингапурдың даму жолы және реформаларға қажеттілік        4

2. Мемлекеттік басқару реформаларының негізгі бағыттары        4

3. Мемлекеттік қызмет жүйесіндегі реформалар мен Сингапур тәжірибесінің ерекшіктері        7

4. Электрондық үкімет және цифрландыру        8

5. Экономикалық реформалардың рөлі        10

6. Сингапур экономикасының негізгі көрсеткіштері        11

7. Қорытынды        12

8. Пайдаланылған әдебиеттер тізімі        13

Кіріспе

         Мемлекеттік басқару жүйесін реформалау – қазіргі заманғы дамушы мемлекеттердің маңызды міндеттерінің бірі. Бұл процесте әлем елдерінің тәжірибесін зерттеу аса маңызды. Осындай сәтті реформалардың бірі – Сингапурдың мемлекеттік басқару жүйесін жаңғыртуы болып табылады. Сингапур аз уақыт ішінде дамыған елдер қатарына қосылып, тиімді мемлекеттік басқарудың үлгісін көрсетті. Бұл рефератта Сингапурдың мемлекеттік басқару реформалары, олардың негізгі бағыттары мен жетістіктері қарастырылады.

Мемлекеттік басқару – кез келген мемлекеттің тұрақтылығы мен дамуының негізін қалайтын маңызды сала. Әлемдегі түрлі елдер мемлекеттік басқару жүйесін жетілдіру арқылы экономикалық және әлеуметтік өркендеуге қол жеткізді. Әсіресе, постиндустриалды қоғам жағдайында тиімді мемлекеттік басқару жүйесі мемлекеттің тұрақтылығы мен халықаралық аренадағы бәсекеге қабілеттілігін қамтамасыз ететін негізгі факторлардың бірі болып табылады.

Қазіргі уақытта көптеген мемлекеттер өздерінің басқару жүйесін жетілдіру мақсатында халықаралық тәжірибеге сүйенеді. Соның ішінде, Сингапурдың мемлекеттік басқаруды реформалау тәжірибесі ерекше қызығушылық тудырады. Сингапур – Оңтүстік-Шығыс Азиядағы шағын мемлекет болғанына қарамастан, қысқа мерзім ішінде дамыған елдер қатарына қосылып, экономикалық және әлеуметтік өркендеудің жоғары деңгейіне жетті. Бұл жетістікке жетуде мемлекеттік басқару жүйесін тиімді реформалау маңызды рөл атқарды.

Сингапурдың реформалары елді кедейліктен шығарып, әлемдік экономикалық орталықтардың біріне айналдыруға мүмкіндік берді. Осыған байланысты, бұл рефератта Сингапурдың мемлекеттік басқару жүйесін жаңғыртудағы негізгі қадамдары, реформалардың бағыттары мен олардың тиімділігі қарастырылады. Сондай-ақ, бұл реформалардың Қазақстан үшін маңыздылығы мен оны қолдану мүмкіндіктері талқыланады.

Сингапурлық тәжірибенің ерекшелігі – мектеп жасына дейінгі балалардың әлемді зерттеуіне, шығармашылық дағдысын дамытуына көмектесетін жасанды қала құру.

1. Сингапурдың даму жолы және реформаларға қажеттілік

Сингапур 1965 жылы тәуелсіздік алғаннан кейін экономикалық және әлеуметтік мәселелермен бетпе-бет келді. Ел аумағының шағын болуы, табиғи ресурстардың жетіспеушілігі және жұмыссыздықтың жоғары деңгейі елдің дамуына үлкен кедергі келтірді. Бұған қоса, этностық және діни алауыздықтар тұрақтылыққа қауіп төндірді. Мұндай жағдайда елдің басшылығы тез әрі тиімді реформалар жүргізуді қолға алды.

Сингапурдың алғашқы премьер-министрі Ли Куан Ю елдің даму стратегиясын айқындап, басты назарды мемлекеттік басқаруды жетілдіруге және сыбайлас жемқорлықты жоюға аударды. Ол мемлекеттік аппараттың кәсібилігін арттыру үшін шенеуніктердің жалақысын жоғарылатып, оларға қатаң талаптар қойды. Осылайша, елде адал және білікті мемлекеттік қызметкерлер корпусы қалыптасты.

Сонымен қатар, Ли Куан Ю үкіметі экономикалық реформалар жүргізуге басымдық берді. Инвестициялық тартымдылықты арттыру мақсатында шетелдік компанияларға қолайлы жағдай жасалды, бюрократиялық кедергілер азайтылды және еркін нарықтық қатынастар орнатылды. Білім беру жүйесіне ерекше көңіл бөлініп, халықаралық деңгейде бәсекеге қабілетті мамандар даярлау мақсатында білім реформалары жүзеге асырылды.

Сингапур үкіметі урбанизация, инфрақұрылымды дамыту және көлік жүйесін жетілдіру бағытында да ауқымды жұмыстар атқарды. Ел ішінде тиімді көлік жүйесі мен логистиканы дамыту нәтижесінде Сингапур халықаралық сауда мен көлік торабында маңызды орынға ие болды. Бұған қоса, елдің құқықтық жүйесін жетілдіру арқылы заң үстемдігі орнатылып, әділеттілік принциптері сақталды.