Психология менің өмірімде және кәсібімде

Қайрақбаева Дана Қайдарқызы ҚТӘ-11

БӨЖ-1

Психология менің өмірімде және кәсібімде

     Психология 21 ғасырда жан-жақты дамып, әр саладан өзінің ойып тұрып орнын алған салалардың бірі болып табылады. Бұрындары психология деген термин қаншалықты жат естілсе бүгінгі таңда қоғаммен сіңісіп күнделікті қолданатын терминімізге айналды. Психологияның адам жанын түсінуге, адамның мінез-құлқын,  іс әрекетін тануға бағытталған сала екенін білеміз. Алайда психология адам өмірі мен кәсібінде қаншалықты жоғарғы рөлге ие екенін біле бермейміз.  Сонымен психологияның адам өміріндегі және кәсібіндегі рөлі қандай?

     Біріншіден психология адам баласы үшін өмір сүру құралы деп айтсақ болады. Себебі біз психологияны терең түсіну арқылы өмірімізді жеңілдетіп, басқаша ойлай бастайтын боламыз. Іс- әрекетімізде нақты мақсаттарға бағытталып қарқынды жұмыс жасап бастаймыз.  

      Екіншіден психология бізге адамдармен қарым-қатынас жасауда көмектесетін басты құрал деп ойлаймын. Себебі біз қоғамда өмір сүргендіктен өмірімізде күнделікті әр түрлі адамдармен  қарым-қатынас орын алып отырады ал  қарым-қатынасты жақсы жағынан саралап пайымдауда бізге психология көмекке келеді.  Әр адам табиғатынан мінезі әртүрлі болып келеді соған орай әр адаммен  тілдесерде  адам темпераментін анықтап соған орай қарым-қатынас жасау керек. Мысалға меланхоликпен баяу сөйлесіп ақырындап керегіңді ұғындыру қажет себебі ол ақпаратты баяу қабылдауы мүмкін ал холериктермен керісінше олар ақпаратты өте жылдам қабылдайды. Міне сол сияқты әр типтегі адамдармен қарым –қатынас жасауды бізге психология ғылымы үйретеді. Ал адамдармен  жақсы қарым –қатынас жасай білу әрбір адам үшін оның өмірі үшін өте қажетті қабілет деп білемін.