Психология менің өмірімде және кәсібімде

              ҚР  Білім және ғылым министрлігі

Л.Н.Гумилев атындағы  Еуразия  ұлттық  университеті

Мемлекет және құқық теориясы мен тарихы, конституциялық құқық  кафедрасы

ЭССЕ

"Психология менің өмірімде және кәсібімде"

                       Орындаған:  Амангелдиева А.Р., ҚҚ - 11

Тексерген: Ақымбек Г.Ш.

Нұр-Сұлтан, 2020ж.

                        «Психология менің өмірімде және кәсібімде»

Үлкен өмірге енді ғана аяқ басқан жас ұланның алдында мыңдаған мамандықтан өзіне лайықты біреуін таңдау міндеті тұрады. Әр адамның бірнеше кәсіппен айналысуға қабілеті болғанымен, соның біреуіне ынтасы ерекше ауады, өйткені, әр кәсіпке қабілеттілік деңгейі болады. Мен таңдаған мамандығымнан қателеспедім деп ойлаймын. Себебі, бұл менің жүрегімнің қалауы. Заң қызметкерінің өзі белгілі бір психологиялық процесті білдіреді. Психология - адам өмірінің сыртқы іс-әрекеті мен қоршаған ортасындағы болған нәрсенің көрінісі мен бейнесі. Сондықтан оны заңнан бөліп алып қарастыру мүмкін емес. Қазіргі заманда адам психикасы қоғамға сай өзгереді де, содан елде жаңа заң пайда болады. Неге? Себебі, қоғам бірқалыпты бола бермейді, уақыт өзгерген сайын жаңа нәрсе пайда болады. Сол секілді заң тұрғыдан қылмыс, әрекет, мәселеде өзгеріске ұшырайды. Бұл жағдайлардың алдын алу үшін жаңа ҚР Конституциясына өзгерістер мен толықтырулар (преамбула) енгізіледі.

        Сонау артқа көз жүгіртсек, қазақ елі тәуелсіздік алмағанға дейін елдегі заң мүлде басқаша болды. Ол кездегі адам психологиясын қазіргі күнгімен мүлде байланыстыруға келмейді. Қазіргі күнде заңгерлерге қойылатын кәсіби талап - тұлғаның белгілі бір психологиялық жағдайын ескеру. Менің ойымша, заң қызметкерінде белгілі бір ерекшеліктері мен қасиеттері болмаса құқық қорғау саласының жоғары нәтижеге жетуі қиындай түседі. Бұл ерекшеліктерге жоғары мәдениеттілік, интеллектуалдық және адамгершілік, айқын азаматтық ұстаным, еңбексүйгіштік, қиын әлеуметтік ортада жүре білу, демократиялық және жалпыадамзаттық құндылықтармен бөлісу, азаматтық құқықтарды құрметтеу, қызметтік міндеттерін адал орындау және өзіне сәйкес әрекет ету кіреді. Құқық қорғау саласын психологияның құқықтық саласы  реттейді. Құқықтық психология - құқықтық қатынастарға қатысатын адамның психикасының қызметі туралы ғылым. Кез келген заңгер, мейлі адвокат, мейлі қылмыскер әрбір тұлғаның өзіне тән психологиялық ойы мен өрісі, мінез-құлқы болады. Осы мінез-құлық пен сана байланысы оны қиын ортада психологиялық тұрғыдан алып шығуға өз көмегін тигізеді.