Менiн мансаптык және кәсiби өсуiм

МАЗМҰН

1. МЕНІҢ МАНСАПТЫҚ ЖӘНЕ КӘСІБИ ӨСУІМ ЭССЕ 3-4

2. КӘСІБИ ДЕНСАУЛЫҚТЫ САҚТАУ КЕЙС 5-11

МЕНІҢ МАНСАПТЫҚ ЖӘНЕ КӘСІБИ ӨСУІМ

Кәсіби даму адамнан саналы, бағытталған, белсенді оқуды талап етеді. Мұндай оқу басқа формалардан анық ерекшеленеді. Әрбір адам өзінің қандай бағытта дамуы керек, ақпараттарды қандай әдістермен алатынын, қандай жолмен меңгеретінін өзі шешеді.

Жалпы, үлкен өмірге қадам басқан сәттен-ақ көп дүниелерге таңдау жасауға тура келеді. Ата-аналарымыз бала күнімізде үнемі біз үшін таңдау жасап, болашағымыздың жарқын болуына ықпал етсе, енді міне, есейіп, бойжеткен шағымызда барлық таңдау тікелей өзіміздің қалауымызбен жасалатын болды. Сәби күнімізде ойыншық таңдап, оқушы шағымызда мектептегі пәндер мен дос-құрбылар таңдай бастасақ,ал қазір міне мамандық таңдап,болашақты айқындайтын сәтте жетіп қалды. Мен болашақ кәсібімді таңдауға келгенде көп қиналып, ұзақ ойланған жоқпын. Өйткені менің табиғатым кішкентай күнімнен жазуға,сөйлеуге өте жақын болды. Өнер дейтін құдіретті өлкенің шынайы сыры мен жырынан сәлде болса хабардар болып өстім. 5-ші сынып табалдырығын аттаған кезімде, мені осы мамандық өзіне ерекше баурап алды.

Мен «кітап» деген асыл қазынамен доспын. Көп оқығанды және оқығанды ұнатамын. Дүние жүзіндегі орын алып жатқан оқиғаларды газет-журналдардан, теледидардағы жаңалықтардан елеңдей отырып қарайтынмын, түрлі бағдарламаларды көремін және оларды өздігімше сараптап, жақсысын көңілге медет тұтамын. Менің ойымда сан мыңдаған арман-тілектер, жоспарлар мен самсаған мақсаттар тұр. Содан, бір күні мен «осы мақсаттарыма жету үшін маған тек қана Дипломатия мамандығы көмектесе алады» деген ойға келдім. Өз қалауыммен дәл осы мамандықты таңдай отыра, ерекше құлшыныспен, шынайы сүйіспеншілікпен армандадым. Дәл бүгінгі уақытта мен өзім жылдар бойы мақсат еткен Әл-Фараби атындағы Қазақ Ұлттық Университетіне халықаралық қатынастар мамандығы