Алтынсарин Академиясы

[pic 1][pic 2][pic 3][pic 4]

Алтынсарин Академиясы

Академияның миссиясы білім деңгейі өте жоғары оқушыларды мұғалім болуға ынталандыру арқылы еліміздің білім беру сапасын көтеруге теңіздің тамшысындай болсын өз үлесін қосу. Осы миссияны жүзеге асыру мақсатында 2018 жылы Алтынсарин Академиясы қоғамдық қорларымен біріге отырып, Алтынсарин стипендиялық бағдарламасы жобасын іске қосты.

Бұл тақырыпта сөз қозғаған себебім еліміздегі білім саласындағы кез келген жоба белгілі бір мәселені шешуге бағытталған. Бұл жобаның пайда болуына әсер еткен мәселе: білім саласындағы жылдар бойы қайталанып келе жатқан адам капиталының даму циклі. Жыл сайын мектеп бітірушілердің ҰБТ дан жоғары балл алған студенттердің көбі құқықтану, халықаралық қатынастар, экономика, менеджмент, жергілікті және өзін өзі басқару секілді мамандықтарға түседі. Ал төмен балл алған студенттердің басым көпшілігі өзі қалағаннан емес, педагогикалық мамандықтарға грантқа түсу мүмкіншіліктері көп болғандықтан, амалсыздан, ынта ықылассыз мұғалім мамандығын таңдап жатады.

Сондықтан бұл жобаның мақсаты әр бала армандайтын мұғалім болуды үйрету. Бұл білім арқылы елді дамытқысы келетіндерге арналған бағдарлама.

Болашақ ұстаздардың білім деңгейін көтеруге арналған бағыт. Жобаға қатысушы қазақ орыс ағылшын тілдерінде арнайы курстардан өтеді. Бағыттың басты мақсаты болащақ ұстаздың өз пәнін үш тілде жетік бере алатындай деңгейге жеткізу. Ағылшын тілі бойынша ielts, celta, delta, tesol, toefl сертификаттарын алу мүмкіндіктерін жасау.

Кітап оқымайтын адам – ойлаудан қалады деп грек философы айтқандай, ASP жобасы өз студенттеріне жан жақты және сапалы білімді мұғалім болсын деген ниетпен педагогқа керек деген кітаптардың тізімін жасап шығарды.

ASP readings бағыты бойынша кітаптар жеңілден қиынға қарай өсу ретімен дайындалған. Бұл бағытта біздің стипендианттар үш бағытта кітаптар оқиды.

Қазақ және әлем әдебиетінен таңдаулы кітаптар.

Ұстаздың кәсіби мамандығы бойынша таңдаулы кітаптар.

Жеке тұлғалық өсу мен өзін-өзі дамытуға арналған кітаптар, ғылыми-көпшілік әдебиеттер.

Жоба түлектерінің әр түрлі оқушылармен жұмыс істеу кезіндегі өзінің педагогикалық шеберліктерін айқындауы үшін арсеналдарында белгілі бір қабілеттерге ие болуы қажет деген мақсатта стипендианттарға физикалық эмоционалдық академиялық рухани әлеуметтік бейімделу интеллектуалдық қабілеттерді меңгеруге арналған арнайы сабақтар мен активитилерді ұйымдастырады.