Тыпалогіі рамантычнага героя ў творах А.Міцкевіча “Дзяды” і Д.Г.Байрана “Паломніцтва Чайльд- Гаральда”

Змест

Уводзіны        3

Раздзел І. Рамантызм у еўрапейскай літаратуры.Тыпалогія рамантычнага    героя        5

Раздзел II. Д.Г.Байран і яго паэма “Паломніцтва Чайльд-Гаральда”        9

Раздзел ІІІ. А.Міцкевіч і паэма “Дзяды”        17

Заключэнне        32

Бібліяграфія        35

Уводзіны

У кожнай літаратуры ёсць пісьменнікі, якія азначаюць сабой пэўныя этапы ў яе гістарычным развіцці. Такой “этапнай” фігурай у беларускай літаратуры з’яўляецца Адам Міцкевіч.

Рамантычны пералом першай трэці XIX ст. у літаратуры на Беларусі быў прасякнуты духам свабоды Айчыны і нацыянальна-вызваленчай барацьбы. Апрача таго, яго знамянальнымі прынцыпамі былі народнасць, рэгіяналізм, маладосць як пазітыўная маральная катэгорыя і як кампанент літаратурнай біяграфіі. Вызначальная роля у афармленні і замацаванні гэтых прынцыпаў належыць, бясспрэчна, Адаму Міцкевічу, які прынёс у еўрапейскую літаратуру нязвыкла ўзнёслае, узвялічанае апяванне Айчыны, абагаўленне яе, надаў новы подых рамантычнаму культу свабоды, увязаўшы яго не толькі з разнявольваннем духу мяцежнай, не падлеглай ніякаму ўціску асобы, але з вызваленнем разабранай на часткі, страціўшай свабоду пасля трох раздзелаў Рэчы Паспалітай радзімы.

Актуальнасць тэмы курсавой работы. Набыццё Рэспублікай Беларусь нацыянальнага дзяржаўнага суверэнітэту і павышэнне значэння праблем нацыянальна-культурнага адраджэння настойліва патрабуюць выкарыстання сусветнага доследу развіцця нацыянальных культур. У гэтым сэнсе вывучэнне твораў найвялікшых еўрапейскіх літаратараў неабходна для інтэнсіўнага развіцця беларускай літаратуры, асэнсавання месца беларускай культуры ў еўрапейскім культурным асяроддзі. Сярод паэтаў блізкіх беларускаму духу можна назваць імя вялікага паэта Адама Міцкевіча. Гэты паэт фактычна жыў на тэрыторыі Беларусі, выкарыстаў у сваіх творах рэаліі беларускага жыцця, падсілкоўваўся вытокам беларускай культурнай традыцыі на тэрыторыі былога Вялікага Княства Літоўскага. Таму Адама Міцкевіча нярэдка завуць дзеячам культуры трох народаў - польскага, беларускага і літоўскага.

Значны ўплыў на творы Міцкевіча аказалі паэмы іншага найбуйнейшага еўрапейскага літаратара  Джорджа Ноэл Гордана Байрана. Для абодвух паэтаў уласцівы рамантычныя памкненні пры агульным рэалістычным  духу іх твораў, бясконцае каханне да волі, блізкасць да ідэй еўрапейскай свабоднай думкі ХIХ стагоддзя. Для сучаснай Беларусі гэтыя тэндэнцыці захоўваюць сваё значэнне ў нацыянальнай культуры і ў цяперашні час.

Мэта курсавой работы заключаецца ў выяўленні тыпалогіі рамантычнага героя ў творах А.Міцкевіча “Дзяды” і Д.Г.Байрана “Паломніцтва Чайльд- Гаральда”.  Дасягненне указанай мэты прадумоўвае вырашэнне наступных задач:

• прасачыць жыццёвы і творчы шлях А. Міцкевіча і Д.Г.Байрана;
• разгледзець праблему аўтабіаграфічнасці героя ў паэме Байрана “Паломніцтва Чайльд- Гаральда” ;
• асветліць праблему героя ў паэме А.Міцкевіча “Дзяды”;
• паказаць супадзенне характэрных рыс героя ў творах паэтаў- рамантыкаў.

Неабходнасць даследвання вызначаецца выхадам беларускай культуры на агульнаеўрапейскі ўзровень, узросшай патрэбай гэтай культуры ў самаідэнтыфікацыі, імкненнем выявіць агульнаеўрапейскія карані і пераарыентаваць скіраванасць культуры з вузканацыянальных на агульнаеўрапейскія праблемы.

Да асноўных метадаў праведзеннага даследвання ставяцца тэарэтычны аналіз і сінтэз, індукцыя і дэдукцыя, параўнанне, сапастаўленне. Асновай метадалогіі доследу выступае сістэмны падыход.

          Для асвятлення дадзенай тэмы курсавой работы была выкарыстана наступная літаратура: