Ашаршылық салдары, себебі

   Жоспары:

• Кіріспе

Ашаршылық салдары, себебі

Статистикалық мәліметтермен жұмыс

• Қорытынды

  Қазақ халқының басына төнген ауыр нәубеттердің бірі сонау 1921-1922 1931-1933ашаршылық жылдары еді. Бүгінгі таңға дейін әр қазақтың жадында жіті сақталған ол зұлмат күндер оңайлықпен ұмытылмайды. Еңбектеген баладан еңкейген қартқа дейін екі үлкен ашаршылықтың құрбандарына айналды. Арасында біршама уақыт бар бұл екі қиын да қыстау кезең қазақ жұртына мал шығынымен қоса адам шығынын да көптеп келтірді. Әрине, бұл жағдайлардың салдарының куәсіміз, алайда себептерінің де бары анық. Аталмыш оқиғалар кезінде елде, ең алдымен, ауылшаруашылығының ақсағаны байқалды. Одан кейін саясаттың жүргізген экономикасының да салдары білінген еді. 1921 жылдары басталған аштық өз жалғасын 1931 жылы тапты, келтірілген шығын саны артпаса кемімеген еді. Бұл ашаршылық жылдары көптеген қазақ азаматтары амалдың жоғынан елін тастап, шет елдерге қоныс аударуға мәжбүр болды. Қоныс аударып қана қоймай, елдегі жағдай қалыпқа келтірілсе де өз туған жерлеріне қайта орала алмағандар қаншама еді.

        Ірі губернияларда да, атап айтқанда, Қостанай, Орал, Орынбор, Ақтөбеде аштық зардабы қатты білінді. Егілген егін мен себілген дән құрғақшылық кесірінен шықпай қалды. Бұл 1921-22 жылдардағы аштық әкелген нәубет болатын. Ақиқатты айта берер болсақ, ашаршылық кезеңдерінің зияны мен залалы ұшан-теңіз.

        1931 жылдардағы ауыртпалық елең бере бастаған сәттен-ақ баспасөз тарапы ештеңеден қапы қалмады. Сол уақыттағы аты шулы “Қазақ”, “Ақ жол” газеттері мен «Айқап» секілді журналдар мемлекет тарапынан болып жатқан әр шешімді, ашаршылықтан болған шығынға байланысты статистикаларды лезде қалтқысыз жариялап отырды. Осындай ақпар көздері жариялап отырған мәліметтер сол кезең мен біздің бүгініміздің арасындағы дәнекерлеуші көпір болғанына куә болуға әбден болады.