Басшыға тән сапалық белгілер
Автор: _aikerim15 • Ноябрь 15, 2019 • Реферат • 481 Слов (2 Страниц) • 356 Просмотры
Басшыға тән сапалық белгілер
«Басшы істі білігімен атқарсын,
Ақыл – батыл, батылдығы ақталсын.
Ұстау керек ел-жұртыңды біліммен,
Білім жоқ па, ақылың да бүлінген.
Білікті бек елді ақылмен ұстайды,
Білім жоқ па – ақылыңды ел ұқпайды.
Бек жаңылса, билігі де шайқалар,
Дауа ләзім дертті жеңіп жай табар.
Дауасы оның – ақылымен емдерсің,
Құдыретім, дертке – білім дем берсін.
Болу керек бек білікті, ақылды,
Емде ақылмен, ауру шалмас басыңды.» - дей келе, Жүсіп Баласағұн 28-бапта, 1969-1970-бәйіттерінде ел басқару ісінде басшының білімді болу керектігін айтады. Кең мағынасында, білім — адамның санасында берілген, өзінің қызметінде шынайы дүниенің заңды байланыстарын идеалды бейнелейтін объективті шындық. Тар мағынасында, бұл ұғым қойылған міндеттерді шешуге мүмкіндік беретін белгілі бір ақпараттарға ие болу дегенді білдіреді. Бұл бәйіттерден Жүсіп Баласағұнның білімді „елді басқарудың негізгі құралы“ ретінде көрсетіп отырғандығын байқаймыз. Себебі, басшыға ақылдың ғана болуы жеткіліксіз. Ақылды болуымен қатар, біліммен де қаруланған басшы елге өзін сыйлата біледі, тыңдата біледі және елін өзіне бағындыра біледі. Сондықтан, Ф.Бэкон: «Білім – күш» және Б.Гейтс:«Білім – ең маңызды аспап» - деп, бекер айтпаған. Сонымен қатар, атақты ғалым Махмұд Қашқари былай деген: «Белгісі болса — жолдан жаңылмас, Білімі болса — сөзден жаңылмас». Яғни, білімді адам қандай жағдай болмасын кез-келген қиындықтан шыға біледі. Сонымен, басшыға қойылатын негізгі принцип – ақыл-парасат.
...