Қонақ үйдің экономикалық құрылымы

Қонақ үйдің экономикалық құрылымы

Жоспар:

1. Кіріспе
2. Қонақ үй өндірісінің экономикалық базасы
3. Қонақ үй туристік кешенінің әлеуметтік-экономикалық алғы шарттары
4. Қорытынды

    Бүгінгі  таңда қонақ үй туризмнің маңызды саласының бөлігі болып саналатын қонақжайлық өнеркәсібінің құрамды бөлігі болып табылады. Қонақ  үй  қызмет көрсетулерін өндіру  мен  тұтынуда сапа аса үлкен маңызға ие болады. Сапалы қызмет көрсетусіз  қонақ  үй  өзінің  мақсат-мүдделеріне  жете  алмайды. Сонымен қатар орналастыру  құралдарын категориялау  мәселесі  сапаны басқару көзқарасы  тұрғысынан  аса  маңызды  мәселелердің  бірі  болып  табылады. Осыған  орай дүниежүзілік  тәжірибеде орналастыру құралдарын категориялау  мәселесін шешуде  бірнеше  бағыт  белгіленген. Қонақ  үй  бизнесін  басқаруда  маңызды  мәселелердің  бірі  болып  кадрлар мәселесі  табылады. Қонақ үй  қызмет көрсетуінде  қызметкерлердің  мәдени  түрде  қызмет  көрсете  білуі  адам  рерсурсының   маңыздылығын  растайды. Қонақ үй  кәсіпорындарының  сауатты  басшылығының  байқауынша  тұтынушылардың  қатынасы  көп  жағдайда  қызметкерлердің  көңіл  күйіне  байланысты болады екен. Олар ішкі  маркетингті  жүргізіп,   жоғары  сапалы  қызмет  көрсеткені  үшін  қызметкерлерді  марапаттау  мен  оларды  қолдау жүйелерін жасап шығарады. Сонымен қатар түрлі зерттеулердің көрсетуінше үлгілі қонақ үй стратегиялық жоспарлау жүйесінің бар болуымен, басшылықтың қызмет көрсету сапасын өсіруге ұмтылуымен, тұтынушылардың арыздарын қанағаттандыру жүйесін қамтумен сипатталады.

    Қонақ үй – бұл шығындар мен кірістердің арақатынасына байланысты әдеттегі кәсіпорын. Қазіргі заманғы қонақ үйдің экономикалық құрылымы тұрақты пайда алуға кепілдік беретін олардың қауіпсіз көрсеткіштеріне бағытталған. Қонақ үйдің кірісі:

• Нөмірлік қорды ұтымды пайдаланудан. Жалпы әлемде олардың үлесіне кіріс бөлігінің жартысынан астамы (51,2%) келеді.
• Қонақ үй жанында жұмыс істейтін қоғамдық тамақтандыру кәсіпорындарының қызметінен түсетін табыс орташа әлемдік көрсеткішке сәйкес 27,5% - ды құрайды.
• Шағын барлар арқылы сусындар мен басқа да тағамдарды сату қонақ үйлердің кірісінің 7-11% құрайды.
• Қосымша ақылы қызметтер (телефон, кір жуу, автокөлік жалдау, театр және көлік билеттерін жеткізу және т.б.) қонақ үй кірісінің 6% құрайды.
• Қонақ үйдің үй-жайларын басқа ұйымдарға жалға беруден түсетін кірістер 2-4% құрайды.
• Бөлме қорын ұстауға арналған қонақ үй шығындарының құрылымы:
• Орташа әлемдік көрсеткішке сәйкес жалақы және онымен байланысты төлемдер - 32,1%.
• Нөмірлік қорды ұстау бойынша пайдалану шығындары (жуу материалдарын, ұнтақтарды, пасталарды сатып алу, дезинфекциялау және дератизациялау бойынша жұмыстар және т.б.) - орта есеппен 12-15%.
• Қонақ үй қызметін жүзеге асырудағы әкімшілік шығыстар 4-5%.
• Энергия шығындары - 3-5%.
• Амортизациялық аударымдар-4-5%.
• Жабдықты жөндеу-5%.
• Маркетингтік зерттеулер-2-3%.
• Несие үшін сыйақы төлеу-2-4%.
• Сақтандыру алымдары-1-2%.
• Жалдау ақысы-2-3%.
• Шағын барлар үшін азық-түлік сатып алу-6-8%.
• Шағын барлар үшін сусындар сатып алу-2-3%.
• Басқарма мамандарына қаламақы төлеу-2%.Осылайша, салық төлегенге дейін қонақ үй кәсіпорындарының кірістерін қалыптастыру орташа есеппен 13% құрайды.

    Шығындардың осындай күрделі бөлшек құрылымы көбінесе қонақ үй шаруашылығының көптүрлілігімен анықталады. Алайда, кірістердің бір бөлігі мен шығындардың әр көрсеткіші олардың кәсіпорын экономикасындағы үлесін салыстырмалы талдауды ғана емес, сонымен бірге әр жеке индикаторды мұқият қарастыруды қажет етеді. Мәселен, нөмірлік қордан түсетін кірістерде, ең алдымен, шетелдік және отандық клиенттердің көрсеткіштері маңызды.