Сенің болашақ мамандығыңның адам өмірін сақтаудағы маңызы қандай деп ойлайсың?

«Сенің болашақ мамандығыңның адам өмірін сақтаудағы маңызы қандай деп ойлайсың?»

«Адам өмірінде екі нәреден қателеспеу керек: бірі – жар таңдауда, бірі – мамандық таңдауда». Мамандық бізбен бірге өміріздің соңына дейін жүреді, сондықтан оны дұрыс таңдай білу ол – жарқын болашағымыздың іргетасын қалау деп түсінемін.

        Адам баласының таңдаған мамандығы перзенттің өзіне ғана емес, барша адам мен қоғам өміріне өз пайдасын әкелуі керек деп санаймын. Бүгінгі таңда, ғылым мен техниканың дамуына орай, дүниеге түрлі жұмыстар, сәйкесінше, алуан түрлі мамандықтар келуде. Алайды, олардың барлығы бірдей адам өмірін сақтауға қызмет ете ме?

        Менің ойымша, әр адамның өмірінде: «Мен бұл дүниеге қандай мақсатпен келдім? Менің өмірлік миссиям не?», - деген сұрақтар туындайды. Бұл сұрақтардың жауаптарын тауып, шынайы өзіне жауап берген адам – өзінің нағыз мамандығын анықтай алады. Ондай адамдар өз ісінің мейталманы болып қана қоймай, адам өмірін сақтауға қызмет ететініне менің күмәнім жоқ. Осы орайда, мен адамдар мұқтаждығын қанағаттандыратын әрі өзіме қатты ұнайтын ақпараттық технологиялар мамандығын таңдадым. IT-мамандығының маңызы нарық тендендияларының дамуына қарай күннен-күнге қарқынды артып келе жатыр. Әсіресе, бүгін еліміздің ақпараттандыру жолында бұл мамандықтың маңыздылығының жойылмайтынына, өміршең мамандықтардың бірі деп қараймын. Қандай заман болсын, бұл мамандық адам мен қоғам өмірінде алдағы орында екені даусыз. Оның себебі, жиырма бірінші ғасырда ақпараттық техниканың адам өміріндегі барлық салалармен байланысып, ақпараттық технологияларды қолданбай ешбір сала дерлік жұмыс істемейді.

        Мен, IT-мамандығы елімізге және қарапайым халыққа керек екендігін толыққанды түсінемін. Ақпараттандыру медицина мен әлеуметтік қоғам өмірінде күніге артып келеді. Қарапайым еліміз шығарған Egov бардарламасын алсақ. Ендігі адамдарға керек құжаттарын алу, салықтарды төлеу, баланы баубақша не мектепке орнату, жекеменшік баспананы тіркеу үшін ХҚКО-ға барудың қажеттілігі жойылып бара жатыр. Адамдар аталған барлық іс-әрекеттерді үйлерінде отырып, телефоны не компьюторы арқылы жасай алады. Мен бұл мысал негізінде адам өмірі технологиялардың арқасында өзгеріп, оңайланып жатқанын растаймын. Сырттан қарайтын болсақ, жай ғана ұялы бағдарлама. Бірақ адамдар өмірінде алып жатқан орны қандай үлкен, келісесіз бе?