Кітаптың адам өміріндегі рөлі

Кітаптың адам өміріндегі рөлі

Жақында қандай кітап оқыдыңыз?  Бұл не туралы болды?  Қандай мағына немесе идея болды?  Кітаптар бізді ойландырады, «жаман-жақсы» ақпараттарды насихаттайды, біздің қоршаған әлемге деген көзқарасымызды қалыптастырады. Елестетіп көріңізші, кітап әлі ойлап табылмаған, мүлде жоқ. Қиялымыз бірден прогрессивті өркениетті емес, ортағасырлық надандықты көрсетеді.  Иә, кітапсыз, білімсіз көп адамның басты құндылығы «надандық» болар еді.

Ғылыми әдебиет адамдардың әрбір келесі ұрпағына өткеннің ғылыми жетістіктерін, жаңалықтарын, теорияларын, шешілмейтін мәселелері туралы «айтып береді».  Ол жалпы өркениеттің дамуында орасан зор рөл атқарады. Бүгіннен өткенге бағыт-бағдар береді.  Рас, ғылыми кітаптардың бір үлкен кемшілігі бар – теориялық бағыт. Ғылыми әдебиеттерде әзіл, жеңіл түрдегі ақпаратты кездестіру өте сирек жағдай. Бірақ, ол білімнің нұрын барынша қысқа және ақпараттық түрде жеткізкендіктен -  ғылыми болып табылады.

Көркем әдебиет пен философия – мүлде басқа мәселе.  Бізді қаласақ та, қаламасақ та қиялымызды барынша іске қосатын, басымызда түрлі дүниелер мен кейіпкерлерді елестететін, автордың таңғаларлық жұмбақтары мен тұжырымдарын ой елегінен өткізуге мәжбүр ететін де осы кітаптар. Бұл әсерлерді бізге беретін романдар, шытырман оқиғалы кітаптар, детективтер, ғылыми-фантастикалық кітаптар. Көңіл көтеру сипатынан басқа, көркем әңгімелерде маңыздылығы кем емес тағы бір нәрсе бар - бұл құндылықтар мен өмірлік көзқарастар.  Сондықтан да көптеген әдеби шығармалар мектеп пен жоғары оқу орындарының оқу бағдарламаларына енгізілген.  Көркем әдебиетті кешегі ойшылдар мен драматургтердің «алтыны» жиналған ерекше қазынамен салыстыруға келеді.