Саясат маған не береді?

ЭССЕ

Саясат маған не береді?

Саясат - қоғамдық құбылыс болып табылады.Саясат - мемлекет ішінде орын алып жатқан мәселелерді шешуде, екі ел арасында байланыс орнатуда рөлі орасан зор. Қоғамға пайдасын тигізетін-жоғары лауазымды адамдардың амал-әрекеттері деп түсінемін.

Саясат жалпы адамзат үшін біртұтастық пен тұрақтылықты қамтамасыз етеді, мемлекеттер арасында жақсы байланысты орнатады.

Біз дамыған қоғамда өмір сүріп жатқандықтан, саясаттан тыс өмір сүре алмаймыз,мемлекетте болып жатқан оқиғалардан тыс қалып қоя алмаймыз.

Саясаттың объективті құбылысы ретінде мақсат, жоспар, заң, бағдарламаларды алсақ болады.

Ал саясаттағы субъективті құбылыс ретінде жоғары лауазымдағы адамдардың мемлекет мүддесіне жүзеге асырылып жатқан шешімдерін, ұстанымдарын алуға болады.

Билік саясатты іске асырудың құралы деп те қарастыруға болады. Себебі саясат пен билік етене байланысқан.

Саясаты жоқ ел мен халық болмайды. Дұрыс жүргізілген саясат маған жақсы қоғамда өмір сүруге пайдасын тигізеді, жақсы болашақты қамтамасыз етеді, экономиканы нығайтады, бәсекелестік артады.

Саясат арқылы біз өз мемлекетіміздің құндылықтарын басқа елге таныта аламыз.

Жюль Ренар айтқандай «Мен саясатпен шұғылданбаймын. Ал сіз бұл сөздің «Мен өмір сүрумен шұғылданбаймын» деп айтумен бірдей екендігін білесіз бе?» демекші біздің барлық өміріміз саясаттан тұрады.

Егер де, мемлекет басқыншылық соғыс саясатын жүргізсе, қоғамға кері әсерін тигізеді. Адам тағдыры саясатпен тікелей байланысты.

Саясат-ішкі мәселелерден бөлек, сыртқы мәселелерді де шешеді. Меніңше, Қазақстан елі дұрыс сыртқы саясат жүргізгендіктен, еліміз әлемнің жетекші державалары мен ТМД мемлекеттері алдында беделі зор. Әр мемлекеттің өзіне тән ұстанымдары мен саясаты болады.