Өсімдіктер мен Жануарларды қорғау

Қазақстан Республикасы білім және ғылым министрлігі

Әл - Фараби атындағы Қазақ Ұлттық Университеті

[pic 1]

    Факультеті «Ақпараттық Технологиялар»

    Кафедрасы «Есептеу Техникасы және Программдық Қамтамасыз Ету»

СӨЖ

Тақырыбы: Өсімдіктер мен Жануарларды қорғау

                                                       Тобы: ВТиПО 18-5

                                 Орындаған: Оспан Әлайдар

            Тексерген:

Алматы 2019ж

Жоспар

Кіріспе

1. Өсімдіктердің тіршіліктегі маңызы
2. Өсімдіктерді қорғау  
3. Жануарлар дүниесін қорғау
4. Қазақстанның Қызыл кітабына енгізілген жануарлар

Қорытынды

Пайдаланылған әдебиеттер

КІРІСПЕ 

Табиғаты көз тұндырар көркем, флорасы мен фаунасы бір-бірін қайталамайтын көрікті жерлер қашанда сол елдің мақтанышы мен қазынасына айналары анық.  Келтірілген деректер бойынша, елде құстардың 480-нен астам – шөл даладан биік тауларға дейінгі барлық табиғат өңірлерінде іс жүзінде тіршілік ететін түрлері бар. Республиканың кейбір облыстары – құстардың нағыз жұмағына айналған: оларға ең алдымен далалардағы көлдер жатады. Қазақстан жыл құстарының екі маңызды жолының қиылысында: еуразиялық - африкалық және орталықазиялық-үнді ұшып-қону жолдарына орналасқан. Қазіргі уақытта осы облыстарда жалпы көлемі 3000 шаршы шақырымға жуық алаңдардың қайталанбас фаунасы мен флорасы мемлекеттің қорғауына алынған, олардың аумақтарында биологиялық ортаны сақтау үшін ЮНЕСКО қорығын ұйымдастыру жоспарланып отыр.  Қазақстандағы жануарлар әлемі – фаунаның Қазақстандағы ландшафт зоналарында мекендейтін айрықша түрлерімен таныстыратын ерекше басылым. Бұл басылымға Қазақстанның Қызыл кітабына енгізілген 300-ден астам жануарлар енген. Кітап мектеп оқушыларына және көпшілік оқырман қауымға арналған. Өңіріміздегі аңдар мен құстарды аман сақтап, өніп-өсуіне қамқор болуды, шөл далада қылтанақ шөп көрсек, соның тамыры үзілмеуін ойлап жүргендердің саны аз.

1. Өсімдіктердің тіршіліктегі маңызы.

 Жер шарында өсімдіктердің шамамен 500 млн-нан астам түрі бар. Өсімдік жер шарының өкпесі деп бекер айтылмаған. Тіршілікті өсімдіксіз елестетуге болмайды. Адамдар мен жануарлардың тыныс алуы үшін оттек қажет. Жылына бір адам тыныс алуы үшін 173 мың л оттекті қабылдайтынын ғалымдар анықтап отыр. Өсімдіктер оттекті ауа қабатына бөліп шығарады. Біздің ғаламшарымыздағы өсімдіктер жылына ауа қабатына 400 млн тоннадан артық оттек бөледі. Жасыл өсімдік ауаны шаң мен улы газдардан тазатады. өсімдіктер ауаға ауру туғызатын микроорганизмдерді жоятын ерекше ұшқыш зат бөліп шығарады. Өсімдіктер климатты жақсартады : ауаны салқындатады, қатты желге тосқауыл болады, аптап ыстықты қайтарады, қысқы суықтың ызғарын бәсеңдетеді. Сондықтан ауыл шаруашылық өсімдіктерін қатты аңызақ желден жәнеқұрғақшылықтан сақтау үшін, қар тоқтатуда, жыралар мен тау беткейлеріндегі топырақты бекітеуде орман алқаптары пайдаланылады. Топырақ түзуде де өсімдіктердін маңызы өте зор: топырақты қарашірікпен байытады ( өсімдіктін органикалық заттары жануарлар мен микроорганизмдердің әсерінен қарашірікке айналады.) Өсімдіктің емдік қасиеті адамзатқа ертеден белгілі. Дәрілердің барлығы дерлік өсімдіктерден алынады, Өсімдіктен алынған дәрілер жүрек, қан – тамыр жүйелері, бүйрек, бауыр, асқазан, тыныс жолдары және т.б. ауруларға қолданылады. Өсімдіктердің барлық мүшелерінің шипалық қасиеттері бар. Қазақстанда кездесетін дәрілік өсімдіктерге алтынтамыр, киікоты, долана, бақбақ, жолкелкен, итмұрын, мыңжапырақ, ермен және т.б. жатады. Қазіргі кезде дәрілік өсімдіктердің 150-ден астам түрінен дәрілер жасалады.