5-ки класска чүве аттарының санын өөредири
Автор: wloopex • Сентябрь 26, 2018 • Реферат • 1,693 Слов (7 Страниц) • 970 Просмотры
ТЫВАНЫҢ КҮРҮНЕ УНИВЕРСИТЕДИ
Тыва болгаш ниити дыл эртемнерниң кафедразы
КУРС АЖЫЛЫ
Темазы:
5-ки класска чүве аттарының санын өөредири
(тыва болгаш япон дылдарның
деңнелгезинге даянып)
Филология факультединиң 3-кү
курузунуң 1-ги бөлүүнүң сургуулу
Савада Каори күүсеткен.
Удуртукчузу: тыва болгаш ниити
дыл эртемнериниң кафедразының
улуг башкызы, ф.э.к. Хертек А. Б.
Кызыл – 2015
Допчузу
Киирилде....................................................................................................... | 3 |
1-ги эге. Төрээн дылды өөредириниң хевирлеттинер компетенциялары болгаш чедип алыр түңнелдери............................. | 7 |
1.1. Төрээн дылдың методикада ролю……................................................. | 7 |
1.2. Федералдыг күрүне өөредилге стандартызының негелделери болгаш хевирлеттинер компетенциялары…................................................ | 7 |
1.3. Бешки класска чүве аттарының санын өөренип турда хевирлеттинер компетенция болгаш түңнелдер......................................... | 12 |
2-ги эге. 5-ки класска чүве аттарың санын өөредири (тыва болгаш япон дылдарның деңнелгезинге даянып)………………….................. | 14 |
2.1. Тыва болгаш япон дылдарда чүве аттарының сан хевирин өөредириниң методтары................................................................................ | 15 |
2.2. Өөреникчилерниң бот-ажыл методунуң аңгы-аңгы хевирлери.......... | 20 |
2.3. Өөредилге методтарынга хамаарышкан аргалар болгаш материалдар.................................................................................................... | 29 |
Түңнел............................................................................................................ | 33 |
Ажыглаан литература даңзызы................................................................ | 35 |
Словарьлар даңзызы................................................................................... | 37 |
Капсырылга № 1. 5-ки класска кичээлдиң технологтуг картазы «Чүве аттарының саны» болгаш презентациязы………………………….... | 38 |
Капсырылга № 2. 5-ки класска кичээлдиң технологтуг картазы «Чүве аттарының сан кожумактарын шын бижиири» болгаш презентациязы... | 55 |
Капсырылга № 3. 5-ки класска чүве аттарының санын өөренип тура, хевирлеттинер компетенция болгаш түңнелдер……………….... | 70 |
Капсырылга № 4. Кроссворд, ребус-биле ажыл, карточкалар……….. | 78 |
Киирилде
Тыва болгаш япон дылдар бот-боттарындан ылгалдыг, онзагай дылдар. Тыва дыл түрк дылдарның уйгур-огуз бөлүүнге хамааржыр, а япон дыл - кайы дылдарга-даа хамаарышпас тускай агглютинативтиг дыл. XX вектиң ортаакы үезинден бээр чамдык эртемденнер япон дылда түрк, моол, тунгус-маньчжур болгаш корей дылдар-биле чоокшулашкак чүүлдерин барымдаалап (р деп үн-биле эгелээр сөстерниң чогу, үн аянннажылгазының турганы), бо дылды алтай дылдарның бирээзи деп санап турар. Ол түрк, моол, тунгус-маньчжур болгаш корей дылдар-биле кады алтай дылдарның бир аңгы адырын тургузуп турар.
Ынчангаш бис 5-ки класска үстүнде көрген онзагай талаларны тыва дыл кичээлинге канчаар өөредири, база кандыг методтарны, аргаларны, бот-ажылдарны база мергежилгелерни ажыглаарыл, уругларның сөс-домаан канчаар байыдып болурун шинчилээри-биле ук теманы шилип алган бис.
Уругларга бодунуң төрээн дылын өске дыл-биле деңнеп көргүзер болза, уругларның сонуургалын улам делгемчидер болгаш төрээн дылдың онзагай талаларын билип ап, төрээн дылга чоргааралдыг, хумагалыг болурунга дузалаар.
Ук ийи дылдың сан категориязының деңнелгезин өөредип тургаш, өөреникчилер бодунуң төрээн дылынга бердинген мергежилгелер болгаш бот-ажылдарны улуг бергедээшкин чокка кылыптарлар. Ынчалза-даа япон дылга мергежилгелер кылыры берге, чүге дээрге уруглар бо кичээлде бир дугаар япон дылдың дугайында медээни ап, япон дылда база чаңгыстың болгаш хөйнүң санын илередир аргалар бар деп чүүлдү чаа билип алганнар. Ынчангаш бо кичээлдерге япон дылды чүгле немелде билиг кылдыр киирер бис.
...