Структура загалоўкаў твораў Уладзіміра Караткевіча

Выступленне на канферэнцыі (Зубель Аляксей)

Тэма маёй даследчай работы –

“Структура загалоўкаў твораў Уладзіміра Караткевіча”

Актуальнасць даследавання. 26 лістапада 2020 года Уладзіміру Сямёнавічу Караткевічу споўнілася б 90 год. Дадзеная работа з’яўляецца адным са спосабаў ушанавання памяці пра пісьменніка, больш дэталёвым знаёмствам з яго творамі.

Лінгвісты кажуць аб неабходнасці стварэння слоўніка загалоўкаў.

Таму тэма даследавання з’яўляецца актуальнай.

Мэта работы – прааналізаваць тыпы загалоўкаў твораў Уладзіміра Караткевіча.

У адпаведнасці з гэтым мы ставілі наступныя задачы:

1) акрэсліць ролю загалоўка ў мастацкім тэксце;

2) вылучыць структурныя тыпы загалоўкаў твораў У.Караткевіча;

3) выявіць, як у загалоўках адлюстроўваюцца асноўныя ідэі творчасці пісьменніка.

У якасці асноўнага метаду даследавання абраны апісальны метад.

Прадмет даследавання – загалоўкі твораў У.Караткевіча, якія вывучаюцца ў школьнай праграме, і яшчэ іншыя творы аўтара.

Практычная значнасць работы. Вынiкi работы могуць быць выкарыстаны пры правядзенні заняткаў па стылiстыцы беларускай мовы, лінгвістычным аналiзе тэксту, на ўроках беларускай літаратуры пры вывучэнні творчасці У.Караткевіча, на факультатыўных занятках, пры падрыхтоўцы вучняў да алімпіяды па беларускай мове і літаратуры, пры правядзенні мерапрыемстваў прадметнага тыдня.

Выбар тэмы даследавання мае некалькі прычын:

Уладзімр Караткевіч – мой любімы беларускі пісьменнік;

2020 год – юбілейны: 26 лістапада адзначалася 90-годдзе Уладзіміра Сямёнавіча Караткевіча;

на працягу 2017-2021 года я асабіста прымаў удзел у розных конкурсах і мерапрыемтсвах, прысвечаных пісьменніку: фестываль “Светлае

слова”

(я выконваў песню на словы Уладзіміра Караткевіча і атрымаў Дыплоом лаўрэата, які ўручыў мне акцёр і рэжысёр дзяржаўнай тэлерадыёкампаніі Рэспублікі Беларусь Алег Вянярскі) ,

далей быў конкурс сэлфі з любімай кнігай ( у гэтым конкурсе я прымаю ўдзел штогод з мэтай прыцягнуць увагу да канкрэтнай кнігі беларускага аўтара; такі конкурс праходзіць заўсёды перад Міжнародным днём роднай мовы 21 лютага),

акрамя таго, я прымаў удзел у консурсе эсэ “Мой Караткевіч”, які праводзіўся ў 2020 годзе да 90-гадовага юбілею Уладзіміра Сямёнавіча Караткевіча;

у гэтым годзе я прыняў удзел у раённым конкурсе мастацкай самадзейнасці з пеяняй “Беларуская песня” (на словы аднайменнага верша пісьменніка).

Таму дадзеная работа з’яўляецца працягам і абагульненнем таго, што мяне звязвае з творчасцю Уладзіміра Караткевіча.

Уладзімір Караткевіч займае адметнае месца ў беларускай літаратуры. “Роўнага яму няма і наўрад ці ўжо будзе, замяніць яго ў нашай літаратуры не можа ніхто. Ён быў аднолькава таленавіты амаль ва ўсіх жанрах літаратуры”, - сказаў пра Уладзіміра Караткевіча Васіль Быкаў.

Самыя адметныя стылявыя рысы У.Караткевіча праяўляюцца і ў характары загалоўкаў яго твораў. Намі было прааналізавана 30 загалоўкаў празаічных і паэтычных твораў пісьменніка, разгледжана іх структура. Гэта ўсе загалоўкі школьных праграмных твораў і некаторых іншых твораў пісьменніка.

У