Отчет по практике в KAP Logistics

Ғ. Дәукеев атындығы Алматы энергетика және байланыс университеті

Коммерциялық емес акционерлі қоғам

Автоматтандыру және басқару кафедрасы

[pic 1]

Кәсіпкерлік практика

Пәні: Кәсіпкерлік практика

Өткен жері: KAP Logistics

Практика мерзімі: 19.05.25 – 14.06.25

Мамандығы: 6B07108 – «Автоматтандыру және басқару»

Орындаған практикант: Тасболатов Нұрболат

Тобы: АУ(АИСУ)к-22-1б

Қабылдаған: Кәрім А.Ш

____________               ________________         «___»  ___________2025 ж.

(бағасы)

Алматы 2025

Мазмұны

Кіріспе………………………………………………………...….……3

Негізгі бөлім……………………………………………………..........4

Қолданылатын құрылғылар мен технологиялар....……….………………………………...................5 – 6

Алғыс..................................……………………………...…………...7

Қорытынды...........................................................................................8        

Кіріспе

Өндірістік практика – мамандықты терең меңгерудің, алған теориялық білімді нақты өндірістік жағдайда қолданудың маңызды кезеңі болып табылады. Бұл практика болашақ маман ретінде кәсіби біліктілікті қалыптастыруға, автоматтандыру саласындағы нақты жұмыс процестерін көруге және өндірістік ортадағы жауапкершілікпен жұмыс істеуді үйренуге мүмкіндік береді.

Менің өндірістік практикам Kap Logistics кәсіпорнында өтті. Бұл компания – заманауи логистикалық шешімдерді ұсынатын, жүк тасымалдау, сақтау, тауар қозғалысын басқару, сонымен қатар логистикалық үдерістерді автоматтандыру саласында жұмыс істейтін ірі кәсіпорын. Мұнда автоматтандырылған басқару жүйелерінің кеңінен қолданылуы - практика барысында алған білімімді нақты қолдану мүмкіндігін берді.

Практика барысында мен логистикалық операцияларды басқаруға арналған жүйелермен, қойма ішіндегі автоматтандырылған бақылау құралдарымен, RFID және штрихкод жүйелерімен, логистикалық процесс мониторингіне арналған SCADA элементтерімен, сондай-ақ жүк қозғалысын есепке алу және қадағалау жүйелерімен таныстым. Сонымен қатар, логистикалық платформада қолданылатын басқару алгоритмдерін, операторлық интерфейстерді және деректерді өңдеу принциптерін зерделедім.

Kap Logistics кәсіпорнында өтілген өндірістік практика маған автоматтандыру мен басқару жүйелерінің логистика саласында қалай қолданылатыны туралы нақты түсінік берді. Бұл тәжірибе маман ретінде кәсіби ойлау қабілетімді жетілдіріп, өндірістік процестерге кешенді түрде қарауға мүмкіндік берді.

Негізгі бөлім

1.Kap Logistics кәсіпорнының сипаттамасы

Kap Logistics – жүк тасымалдау, сақтау, өңдеу және жеткізу қызметтерін ұсынатын заманауи логистикалық компания. Кәсіпорын логистика саласындағы цифрлық шешімдер мен автоматтандыру жүйелерін кеңінен қолданады.

Компанияның негізгі бағыттары:
 - Қойма логистикасы;
 - Жүк тасымалдау және өңдеу;
 - RFID және штрихкодты сәйкестендіру жүйелері;
 - Ақпараттық логистикалық платформалар;
 - Автоматтандырылған есепке алу және бақылау жүйелері.

Kap Logistics компаниясы логистикалық операциялардың тиімділігін арттыру үшін жоғары технологиялық шешімдерді қолданады. Компанияда қызметкерлердің қауіпсіздігін қамтамасыз ету және процестерді жедел басқару үшін SCADA, WMS (Warehouse Management System), ERP жүйелері кеңінен енгізілген.

2. Логистикалық процестердегі автоматтандыру жүйелері

Kap Logistics компаниясында логистикалық процестерді автоматтандыру заманауи ақпараттық және инженерлік шешімдер арқылы жүзеге асырылады. Компанияда енгізілген автоматтандыру жүйелері төмендегідей негізгі бағыттардақолданылады:
 - Қойма басқару жүйелері (WMS) – бұл жүйелер тауарлардың келіп түсуінен бастап, клиентке жеткізілгенге дейінгі барлық қозғалысын бақылауға мүмкіндік береді;
 - SCADA элементтері – нақты уақыт режимінде қоймадағы температура, ылғалдылық, қауіпсіздік жүйелері сынды параметрлерді қадағалап отыру;
 - RFID технологиясы – тауарларды сәйкестендіру, іздеу және өңдеу уақытын қысқарту;
 - ERP жүйелері – кәсіпорын ішіндегі қаржы, логистика, персонал және өндіріс бөлімдерін біріктіру;
 - Автоматтандырылған жүк тиеу және түсіру жабдықтары – жүк тасымалдау процестерін жеделдету.