Жалпы патофизиология

«Астана медицина университеті» КеАҚ

В. Г.Корпачев атындағы патологиялық физиология кафедрасы

Модуль/Пән – Жалпы патология/

                                          Жалпы патофизиология  

Мамандық – Жалпы медицина

Курс – 3

Билет № 75

Тапсырма 1. Науқас әйел, 57 жаста, отбасылық жанжалдан кейін жүрек аймағындағы ауырсыну, жүрек лүпілі, бас ауруы, ентігу сияқты шағымдар пайда болған.

        Объективті: жүректің жиырылу жиілігі – 100 мин-1, артериялық қысымы 170/100 мм сын.бағ.

        Зертханалық-аспаптық зерттеулер деректері:

• жүректің минуттық көлемі – 8,0 л/мин;
• лейкоциттердің жалпы саны – 9,2∙109/л: эозинофильдер – 1%, базофильдер- 0%, таяқшаядролы нейтрофильдер – 5%, сегментядролық нейтрофильдер – 60%, лимфоциттер – 29%, моноциттер – 5%;
• қандағы глюкоза– 7,3 ммоль/л;
• қандағы эстерифицияланбаған май қышқылдары – 1,37 ммоль/л (норма 0,3-0,9 ммоль/л);
• зәрдегі 17-оксикортикостерон –  7,2 мг/тәулігіне (норма 2 - 8 мг/тәулігіне);
• зәрдегі ванилилминдаль қышқылы – 12,8 мг/ тәулігіне  (норма 0 - 7 мг/тәулігіне);
• зәрдегі несепнәр  – 38,5 г/ тәулігіне  (норма 20-35 г/тәулігіне).

        1. Әйелде организмнің қандай жалпы реакциясы пайда болды? Оның даму сатысы мен кезеңін анықтаңыз. Жауаптарды негіздеңіз.

        2. Туындаған бұзылыстардың себебі қандай? Этиологиялық факторлардың қай тобына жатады? Пайда болған клиникалық және зертханалық көріністердің патогенезін түсіндіріңіз.

        3. ВОрганизмнің осы жалпы реакциясының қорғаныс-бейімделу және патогендік мәні неде? Оның ерте балалық шақтағы даму ерекшеліктерін көрсетіңіз.

Тапсырма 2. Науқас У., 52 жаста, клиникаға ауыр дәрежедегі ұзақ жаншылу синдромымен түскен. Қазіргі уақытта науқаста жедел бүйрек жеткіліксіздігі дамыды.  Пациентті қатты шөлдеу, бас ауруы, жүрек айнуы, құсу, ісіну мазалайды.