Зерттеу жұмысымыз үш кезеңге бөліп жүргізілді

Зерттеу жұмысымыздың дәлдігін анықтау барысында Көкшетау қаласының №1 «Арман» балабақшасында іс-тәжірибе өту барысында түрлі жұмыстар жүргізу арқылы балалардың сенсорлық дамуының ерекшеліктері анықталды. Зерттеу жұмысымыздың мақсаты, қазіргі уақыттағы балалардың сенсорлық дамуының ерекшеліктерін анықтай отыра, оларды қалыптастыру. Зерттеу жұмысымызға екі топтың жас ерекшелігі бірдей балалардың сенсорлық дамуының деңгейін анықтау үшін «Айшуақ» тобы эксперименталды топ, ал «Айгөлек» тобы бақылаушы топ деп алдық.

Зерттеу жұмысымыз үш кезеңге бөліп жүргізілді.

1.Анықтаушы кезеңде «Айшуақ» эксперименталды тобында 20 бала, «Айгөлек» бақылаушы тобында 20 баланың сенсорлық дамуларының деңгейін анықтау үшін «М. Монтессори» әдісін қолдандық. Әдістің мақсаты, балалардың ұсақ кол моторикасын дамыта отырып ойлау, сөйлеу қабілеттерін жетілдіру болып табылады. Ал, міндеттері, балалардың қабілеттерін дамытуда сенсорлық даму ортасының рөлін анықтау, сенсорлық ойын арқылы балаларда алғашқы қарапайым ұғымдарды қалыптастыру[36].

Қажетті құралдар: Кішкене ыдыста ұяшықтары бар тұғырнама, пинцет және моншақтар салынған ыдыс. Ыдыстағы моншақ саны ұяшықтағы моншақ санына тең болуы керек. Барлық бұйымдар түстері бойынша бір-біріне сәйкес.

Жүргізу әдісі: Балалар бұйымдар бар ыдысты алдына қояды. Пинцетті оң қолына алып, ыдыстағы моншақтарды тұғырнаманың ұяшықтарына ауыстырады. Ұяшықтар толтырылғаннан кейін керісінше моншақтарды пинцетпен ыдысқа ауыстырады. Бұл жаттығу қол қимылдарының үйлесуін жақсы жетілдіреді, бала кейін ұысақ әріптерді жазады. Жаттығу баланың зейінінің шоғырлануын