Қазақстан Республикасындағы екінші деңгейлі банктердің қызметін талдау жүйесі

МАЗМҰНЫ

КІРІСПЕ        ..4

1 КОММЕРЦИЯЛЫҚ БАНКТЕРДІҢ ТӘУЕКЕЛІ ЖӘНЕ ОЛАРДЫ БАҒАЛАУДЫҢ ҒЫЛЫМИ ӘДІСТЕМЕЛІК НЕГІЗДЕРІ

1. Банк қызметіндегі тәуекелділіктің мәні, экономикалық мазмұны......................7
2. Банк тәуекелін бағалауды ұйымдастыру жолдары, оның стратегиясы мен тәсілдері..........................................................................................................................17

1.3 Банк тәуекелін бағалаудың  шет елдік тәжірибесі        .33

2 ЕКІНШІ ДЕҢГЕЙЛІ БАНКТЕРДІҢ ТӘУЕКЕЛІН ТАЛДАУ ("АТФ БАНКІ" АҚ  МЫСАЛЫНДА)

2.1 Қазақстан Республикасындағы екінші деңгейлі банктердің қызметін

талдау жүйесі.............................................................................................................        ....36

2.2 Коммерциялық банктердегі банк тәуекелін бағалауды

талдау («АТФ Банкі» АҚ мысалында)        .47

3 НАРЫҚТЫҚ ЭКОНОМИКАНЫҢ БЕЛГІСІЗДІК ЖАҒДАЙЫНДАҒЫ ТӘУЕКЕЛДІ БАСҚАРУ ӘДІСТЕРІН ОДАН ӘРІ ЖЕТІЛДІРУ ЖОЛДАРЫ

1. Нарықтық экономикадағы банктік тәуекелді қамтамасыз ету
   жолдары        ...54
2. Белгісіздік жағдайындағы тәуекелді басқарудың қазіргі кездегі
   тәсілдерін одан әрі жетілдіру жолдары        ..61

ҚОРЫТЫНДЫ        .65

ҚОЛДАНЫЛҒАН ӘДЕБИЕТТЕР ТІЗІМІ        .67

КІРІСПЕ

Тақырыптың өзектілігі. Нарықтық құрылымдар жүйесінде коммерциялық банктер маңызды орынға ие. Олардың қызметінің дамуы нарықтық механизмді нақты құрудың қажетті жағдайы болып отыр. Қазіргі уақытта банктер тәуекелмен байланысты операцияларды атқарады. Сондықтан да тәуекелдер шектеулі, бағаланған және банктің қаржылық мүмкіндіктер шеңберінде болуы керек.

Қазіргі уақытта банктік нарықты тәуекелдің болмауы мүмкін емес. Ол кез келген операцияларда көрініс табады, бірақ та әртүрлі көлемде кездеседі. Сол себептен де банк қызметі үшін бастысы – тәуекелді мүлдем жою емес, оны болжау және ең төменгі деңгейіне жеткізу болып табылады. Қазақстан Республикасында барлық қызметтер саласында экономикалық қайта құрулар процесі жүргізілуде.

Қазақстан Республикасының Президенті Н.Ә.Назарбаевтың 30 қараша 2015 жылғы «Қазақстан жаңа жаһандық нақты ахуалда: өсім, реформалар, даму» атты  жолдауында  «Біздің маңызды міндетіміз – қаржы жүйесін жылдам тұрақтандыру, оны жаңа жаһандық нақты ахуалға сәйкестендіру. Ұлттық банк қоғам мен қаржы мекемелеріне өз қызметінің мәселелері бойынша үнемі тиянақты ақпарат беріп тұруы тиіс. Қаржы секторына қатысушылардың бәрімен қалыпты жұмыс бабындағы үнқатысуды жолға қоюдың маңызы зор. Осы аталған барлық кезек күттірмес шараларды қабылдағаннан кейін ғана экономиканы ынталандыруға, соның ішінде монетарлық тәсілдермен ынталандыруға кірісуге болады. Мен жаңа басшылықтың Ұлттық банкті сауатты басқаратынына сенемін. Біздің бәріміздің де ұлттық валютамыз – теңгеге сенуіміз қажет. Теңге салымдары – бүгінде азаматтардың жиналымдарын сақтаудың ең үздік құралы» деп айтып өтті. [1].

Елбасы Н.Ә. Назарбаевтың жоғарыда аталған мәселелерін шешуде және экономикамыздың тұрақты даму жағдайын қамтамасыз етуде ҚР банк жүйесі ерекше орынға ие. Банктік жүйе - нарықтық экономиканың ең маңызды және құрамдас бөлігінің бірі болып табылады. Банктер мен тауарлық өндіріс пен айналымының дамуы тарихи қатар жүретін және бір-біріне тығыз байланысты, осы кезде банктер ақшалай есеп айырысулар мен шаруашылықты несиелей отырып, капиталдарды қайта бөлуде делдалдық қызмет атқара отырып, өндірістің жалпы тиімділігін мәнді жоғарлатады, қоғамдық еңбек өнімділігін өсіруге жол береді. Бүгін, тауарлық және қаржылық нарықтардың дамуы жағдайында банктік жүйенің құрылымы бірден қиындай түседі. Қазіргі кезде жаңа қаржылық бөлімшелердің түрлері, жаңа несиелік құралдар мен клиенттерге қызмет ету әдістері пайда болды.