Оқу іс-тәжірибе бойынша есебі «Зерде-Фито» ЖШС
Автор: Dhhrdb4 • Сентябрь 8, 2023 • Отчет по практике • 2,225 Слов (9 Страниц) • 60 Просмотры
ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІ
«ОҢТҮСТІК ҚАЗАҚСТАН МЕДИЦИНА АКАДЕМИЯСЫ» АҚ
«ФАРМАЦИЯ» Факультеті
«Инженерлік пәндер» кафедрасы
Оқу іс-тәжірибе бойынша есебі
6В07201-Фармацевтикалық өндіріс технологиясы БББ
Орындаған: Қыдырәлі Б. М.
Тобы: ФӨТҚБ-05-21
Қабылдаған: Байзақов Ө.Д.
Шымкент-2023ж.
Мазмұны (өндіріс)
№ | Орындалатын тапсырмалардың атауы | Бет |
1 | Кіріспе | |
2 | Кәсіпорын тарихы, дайын өнімнің сипаттамасы, қауіпсіздік техникасы және экология негіздері | |
3 | Дәрілік заттарды өндірудің негізгі жабдықтарының мақсаты мен жұмыс істеу принципі: ұсақтау және кесу машиналары, кептіру, араластыру, тасымалдау, сүзу, тазарту және басқа қондырғылар | |
4 | Жеке тапсырма бойынша аппаратты инженерлік есептеу негіздері | |
5 | Қорытынды | |
6 | Пайдаланылған әдебиеттер тізімі |
Кіріспе.
Фармацевтикалық өндіріс технологиясы – бұл фармацевтикалық өнімдерді өндірудің заманауи әдістері мен құралдары туралы ғылым. Оның мақсаты – дәрілік заттарды алудың тиімді және қауіпсіз процестерін әзірлеу және енгізу.Қазіргі заманда дәрілік зат медицина саласында өте маңызды рөл атқарады.Дәрілік зат аурудың алдын-алуында, диагностикасында және емдеуде қолданылады. Дәрілік зат өмір сүру сапасын жақсартуға және адамдардың өмірін ұзартуда көмектеседі. Фармацевтикалық өндіріс жоғары технологиялық және ғылымды көп қажет ететін өнеркәсіп салаларының бірі және Қазақстанның инновациялық дамуының локомотивтерінің бірі бола алады. Басқа салалармен салыстырғанда фармацевтикалық өнеркәсібінің ерекшелігі жаңа өнімдерді жасауға ұзақ циклді қажет етеді, себебі бұл процес ғылымды және ресурсты өте қажет етеді. Жаһанды жайлаған пандемия кезінде елімізде науқастарға маңызды көмек көрсетілгенімен, бірқатар түйткілді мәселенің болғаны белгілі. Соның көш басында отандық дәрі-дәрмек өндірісі тұр. Дертке дауа, жанға шипа болатын дәрі-дәрмек болмаса, сырқаттан дер кезінде сауығу қиын. Осы орайда Президент Қасым-Жомарт Тоқаев 2021 жылғы 1 қыркүйектегі Жолдауында «Фармацевтика өнеркәсібіне ерекше көңіл бөлу қажет. Вируспен күрес кезінде дәл осы сала еліміздің бәсекеге қабілеті мен қауіпсіздігі үшін маңызды екеніне көзіміз жетті. Сондықтан медицина өнімдерін Зертханалық және техникалық сынақтан өткізетін орталық құруымыз керек. Жаһандық фармацевтикалық корпорациялармен ынтымақтастықты жандандырған жөн. Инвесторларды тартып, озық технологияны және осы саладағы жаңа зерттеу жұмыстарын игеруді қолға алу керек. Біздегі дәрі-дәрмек пен медициналық құрал-жабдықтың 17 пайызы ғана отандық өнім. 2025 жылы оны 50 пайызға жеткізу қажет», деп баса айтты.Дәрі -дәрмектің барлық түрлерін елімізде өндіруді,дамытуды қолға алу қажет.Дәрі-дәрмек түрінің бірі – шөп дәрілер. 7 мың жылдан астам уақыт тарихы бар шөппен емдеу ісі бүгінгі дамыған кезеңде де маңызын жоғалтқан жоқ. Аурудың алдын алудың ең қауіпсіз және тиімді әдістерінің бірі саналатын шөп дәрілер елімізде біршама уақыттан бері өндіріліп келеді. Соның бірі – «Зерде-фито» кәсіпорны.
...