Адамның жасына қарай шаш сәндерінің бөліну классификациясы

Адамның жасына қарай шаш сәндерінің бөліну классификациясы

«Әр жаста, әр жыл мезгілі сияқты өзіне тән сұлулық бар»(Сарьян).

        Шаш сәнін таңдаған кезде ең бірінші адамның жасына қарап таңдауымыз керек екен. Жас қызға немесе жас келіншекке арналған шаш сәнін біз үлкен кісіге ұсына алмаймыз. Өйткені ол жасына сәйкес емес, күлкілі болып тұрады.

Балалар шаш сәні.

Балалар шаш сәні қарапайым болып, өзінің өмір бағытына сәйкес келіп тұру керек. Ең бастысы балаға ыңғайлы болу керек.

Жастарға арналған шаш сәні (17-25жас).

Бұл шаш сәні клиентке де, шеберге де көп кездесетін жас. Бұл жаста алуан түрлі шаш бояуларын қолдануға, неше түрлі шаш сәндерін, шаш қию сәнін қолдануға болады. Осы жаста адамда өз стилі қалыптасады. Шаш сәні және киім стилдері нақтылап қалыптасады.

«Элегант» жасы (30-50жас).

Сезім мөлшері, әдеттері нақты қалыптасқан осы жаста адам өзіне көп көңіл бөлу керек. Ортаңғы жастағы адамға қысқа шаш сәнін міндеттеі түрде ұсыну керек. Өйткені қысқа шаштар жасқа келіп қалған әйелдерді жасартады. Міндетті түрде бір тонға бояуды қолдану керек. Өте қысқа кекілдерді, романтикалық бұйралықтарды, экстравагантты бояуларды және т.с.с. қолдану керек емес.

Үлкен кісілер жасы (50-ден жоғары).

Бұл жаста шаш сәндерін жасағанда абай болу керек. Шаш сәндері қатал элегантты, шаштың қысқа болуы, шаштың түсі жылы тондарда болуы қажет. Мысалы: сұр, күлгін реңдері бар бояулар, өте ашық және қара шаш бояулары әйел жасын анықтап тұрады.

Белсенді әйелдерге арналған шаш сәндері.

Белсенді әйел деп – таңертеңнен кешке дейін жұмыста болып, өз жұмысын дұрыс, тиянақты орындайтын, жұмысқа қызыққан және берілген әйелді айтады. Бұл әйел элегантты киініп, шаш сәнін күнделікті күтеді, соңғы сәннен хабары бар. Өз жасына, жұмысы барысына, киіміне қарай сәйкестіріп, шаш сәнін таңдайды. Осылардың барлығы белсенді әйел туралы айтылған. Біздің ғасырымызды «беслсенді әйелдер ғасыры» деуге болады.

Жас түлектер кешіне арналған шаш сәндері

        Жас түлектер кешіне және үйлену тойына арналған шаш сәндерін салтанатты шаш сәндеріне жатқызамыз. Бұл шаш сәндері өміріміздегі есте қалатын, ұмытылмайтын кештерде қолданылады. Бұл шаш сәндері бір күндік шаш сәндері болып саналады. Шаш сәндері міндетті түрде киім стиліне, клиенттің жасына сәйкес жасалуы керек. Шаш сәніне сәндік әшекейлерді енгізуге болады. Әшекейлерді сезім мөлшерімен қолдану керек. Мысалы: қарапайым моншақты, бау немесе гүлді көйлектің түсіне қарай таңдап, шаш сәніне енгізуге болады. Жас түлектер кешіне арналған шаш сәні жеңіл сызықта орындалады. Үйлену тойына да арналған шаш сәні жеңіл болып, қатал болмауы керек. Қалыңдыққа арналған шаш сәні қалыңдықты үлкен етіп көрсетпеу керек. Шаш сәні дәстүрлі фатамен, капюшонмен, шляпамен, коронамен, веноктармен әшекейленеді. Егер де шаш сәні бас киімсіз болса, ол қарапайым болып, алуан түрлі бұйралықтар мен толқындар жеңіл орналастырылуы керек. Егер де шаш сәні қатал болып жасалынса, өзінің салтанаттылығын жоғалтып, қалыңдық өз жасынан үлкен болып көрініп тұрады.