Әлеуметтік жұмыс жүйесінде әлеуметтік қызмет көрсету теориясы мен практикасы

Әлеуметтік жұмыс жүйесінде әлеуметтік қызмет көрсету теориясы мен практикасы

Кілт сөздер: әлеуметтік саясат, мемлекет, еңбек нарығы, жұмыссыздық, бюджет, қаржыландыру, халық, жұмыс күші, әлеуметтік көмек, әлеуметтік қолдау

Қазіргі жағдайда әлеуметтік саясат халықтың өмір сүру деңгейі мен сапасын жоғарылатуды, сондай-ақ қоғамның табысы мен әл-ауқатын арттыруды қамтамасыз етуге арналған, мемлекеттік шешімдер, іс-шаралар мен бағдарламалар арқылы іске асырылады.

Осындай бағдарламалардың негізгісіне Қазақстанның 2025 жылға арналған Ұлттық даму жоспарын жатқызуға болады. Оның «Әділ әлеуметтік саясат» жалпыұлттық басымдылығы халықтың өнімді жұмыспен қамтылуына жәрдемдесуге, отбасыларды қолдауға бағытталған әлеуметтік төлем- дер мен мемлекеттік жәрдемақылар бойынша барлық міндеттемелерді орындауға бағытталған.

«Әділ әлеуметтік саясат» міндеттерінің тиімділігі мен нәтижелілігіне заңнамалық, экономикалық, әлеуметтік және әлеуметтік-психологиялық кепілдіктер жүйесінің, еңбекке қабілетті халық үшін өзінің әл-ауқатын арттыру және еңбекке жарамсыз азаматтар үшін тыныс- тіршілікті қамтамасыз етудің белгілі бір деңгейін жасау үшін тең жағдайлардың есебінен қол жеткізуге болады.  Сондықтан кез келген мемлекет мүмкіндігінше табыс деңгейі мен әлеуметтік мәртебесіне қарамастан, барлық тұрғындар үшін қолайлы жағдай жасауға ұмтылуы тиіс.

Зерттеу әдістері. Әлеуметтік саясаттың тиімді жүргізуді зерттеу кезінде теориялық, сараптамалық және салыстырмалы әдістер қолданылды.

Әдебиеттік шолу. Әлеуметтік саясаттың тиімділігі мен нәтижелігі көптеген ғалымдардың еңбектерінде жарияланған.

Мәселен, П. К. Гончаровтың еңбектерінде мемлекеттік әлеуметтік саясат мәселелері әлеуметтік мемлекеттің теориясы мен практикасы деңгейі арқылы зерттеледі.

Якобсон Л. мемлекеттік әлеуметтік саясаттың теориясы мен практикасын қарастыра отырып, әлеуметтік саясат халықтың тіршілігін қамтамасыз етуге бағытталған нақты шаралар мен іс- шаралар жүйесінен тұратынын атап өтті.