Ці трэба вышэйшая адукацыя каб стаць мільянерам

Пры падрыхтоўцы свайго паведамленні я прачытаў нямала артыкулаў пра беларускую вышэйшую адукацыю, і большасць з іх былі інтэрв'ю рэктараў дзяржаўных ВНУ і людзей з Міністэрства адукацыі. У іх абмяркоўваліся пытанні развіцця вышэйшай адукацыі, ступень запатрабаванасці выпускнікоў, ці раўнацэнныя дыпломы беларускіх ВНУ і ВНУ іншых краін. Ўсе адказы былі пра тое, што сістэма адукацыі развіваецца, мы імкнемся да ўзроўню заходніх краін, прымаюцца меры па паляпшэнню якасці вышэйшай адукацыі.         Але сітуацыя якая сапраўды адбываецца з вышэйшай адукацыяй кажа пра адваротнае. На дадзены момант у ВНУ недастаткова сапраўды добрых выкладчыкаў, дактароў навук.

Беларускае Міністэрства адукацыі захапілася сістэмай менеджменту якасці, якая з'яўляецца калькай з аналагічнай еўрапейскай сістэмы. Аднак у Беларусі дадзеная методыка не ўлічвае галоўнага - ацэнкі дзейнасці выпускніка ВНУ. У свой час Сусветны банк праводзіў даследаванне, у якім вывучалася меркаванне працадаўцаў аб якасці падрыхтоўкі спецыялістаў, якія прыходзяць да іх з вышэйшых навучальных устаноў Беларусі. Большасць працадаўцаў выказала незадавальненне гэтай якасцю.

Таксама за апошнія 5 гадоў колькасць моладзі, якая паступае ў ВНУ скарацілася на 20%. Сутнасць у тым, каб універсітэты не вучылі абстрактным прафесіям са спісу Міністэрства адукацыі, тым больш актуальным гадоў 20 таму, і не рыхтавалі прафесіяналаў у адрыве ад рэальнасці. Абазначэнне прафесій і методыкі іх падрыхтоўкі павінны вызначацца так, каб выпускнікі універсітэтаў маглі знайсці сябе на рынку працы, а іх кампетэнцыі пасля заканчэння ВНУ былі актуальнымі. Таму ўсё больш студэнтаў едуць за мяжу атрымліваць адукацыю.