О Нагайскыхъ послѣхъ

О Нагайскыхъ послѣхъ. Того же мѣсяца 27 прiидоша къ великому князю Ивану Василiевичю всея Русiи послы Нагайскые отъ Шидяка-князя Кудояръ-князь, а отъ мырзъ ихъ люди, чтобы князь великiй Василiй Ивановичь въ дружбѣ съ собою дръжалъ и жаловалъ, и гостемъ Ногайскымъ пожаловалъ бы, велѣлъ въ свои государьства съ коньми и со всякымъ товаромъ ходити и торговати. и внязь великiй и его мати Нагайскыхъ пословъ пожаловали, гостемъ ихъ велѣлъ торговати: да, почтивъ ихъ, князь великiй отпустилъ Нагайскыхъ пословъ, да съ ними вмѣстѣ послалъ въ Ногаи своего посла Данила Иванова сына Губина Коломнятина; а приказалъ князь великiй ко князю и къ мурзамъ, что ихъ хочеть съ собою въ дружбѣ дръжати тако же, какъ ихъ держалъ отець его князь великiй Василiй Ивановичь.

Въ лѣто 7043. О Стародубѣ. Мѣсяца Септеврiа въ 3, король Жигимонтъ, съвѣщанiемъ злыхъ измѣнниковъ великого государя и его матери великой княгини Елены князя Семена Бѣльского, Ивана Лятского, – ихъ возмущенiе, въста отъ нихъ мятежь, отъ пакостновазнивыхъ и гордоумныхъ и ложныхъ, подоостриша Латыньство на своего православнаго государя, – и на его украйные мѣста великiе дръжавы прислалъ король воеводъ своихъ съ многыми людми, Андрѣа Немирова, въеводу Кiевъского, намѣстника Кричевского, и иныхъ своихъ воеводъ; и королевы воеводы, съ многыми людми пришедъ подъ Стародубъ, посадъ зажьгли. И въевода великого князя князь Александръ Кашинъ изь града противъ Литовьскыхъ людей выславъ Андрiа Левина не со многыми людми, и Божiимъ милосердiемь и пречистыа Богоматери помощiю великаго государя люди подъ городомъ, Оньдрѣй Левинь Литовъскыхъ людей многыхъ побилъ, а сорокъ человѣкъ пищалниковъ живыхъ изымалъ, со[1] всѣмъ нарядомъ и съ пищальми, доброво человѣка королева Суходольскаго; и Литовьскые люди, отъ того дрогнувъ, и прочь пошли того же дни, – О Радогощѣ – и идучи отъ Старобуда мимо Радогощь, посадъ у города Радогоща зажгли. И люди градъскые на Литовъскыхъ людей изъ града вышьли, а въ градѣ тогда былъ намѣстникъ Матѳѣй Лыковъ и пострадалъ за благочестiе крѣпцѣ, и отъ пасаду и городъ згорѣлъ, и намѣстникъ во градѣ, а жену его и дѣтей въ полонъ взяли, и много христiанства поплѣниша. И оттолѣ пришедъ Литовскые люди къ Почапу и постоявъ часъ, и прочь пошли. А великiй государь Иванъ Васильевичь и великаа государыни мати его Елена отъ короля не бреглися, а въ своихъ воеводахъ измѣны не чаялъ, и на тѣ свои украины воеводъ своихъ съ людми не посылалъ, а велѣлъ быти и беречи воеводамъ своимъ на Коломнѣ, и тѣмъ своимъ измѣнникомъ въ Серпуховѣ, и по инымъ мѣстомъ воеводамъ своимъ отъ Крымьскаго царя и царевичевъ. Краль же видѣвъ, что отъ великого князя къ нему прибѣгли два воеводы, а на Стародубьскыхъ украйныхъ прибылныхъ людей великого князя нѣтъ, и онъ послалъ на тѣ украйны людей своихъ по тѣхъ измѣнниковъ науку. И князь великiй Иванъ Васильевичь и мати его великая княгини Елена послышавъ Литовъскыхъ людей на своихъ украйнахъ, и послалъ воеводъ своихъ часа того на тѣ украйны противъ Литовьскыхъ людей; и Литовъскыи воевода свѣдавъ, что великого князя и съ плѣномъ. – О Черниговѣ. Того же мѣсяца королевъ воевода Андрѣй Немировъ съ своими товарищи и съ многыми людми Литовьскыми, пришедъ подъ Черниговъ съ многыми людми и съ великымъ нарядомъ съ пу[2] шечнымъ и съ пищалнымъ, учалъ къ городу къ Чернигову приступати, ис пушекъ и ис пищалей на градъ стрѣляти. И изъ града великаго князя пищалникы не даша имъ добрѣ приступати, и Божiимъ промысломъ воевода великаго государя Ивана Васильевича и его матери великой княгини Елены князь Ѳеодоръ княже Семеновъ сынъ Мезецкого умыслилъ и выслалъ на Литовьскыхъ людей ночiю Черниговцевъ, и великаго князя люди възмутиша ими. Литва же промежь себя сами сѣчахуся: якоже Гедеонъ Мадiамляномъ сътвори, такоже и великаго князя воевода Литовскымъ людемъ съдѣла: многыхъ побили Литовьскыхъ людей, и пушки и пищали съ всѣмъ нарядомъ у нихъ