Нетрадыцыйныя формы культурна-адукацыйнай дзейнасці музея як складаючыя сацыякультурнай дзейнасці

УА “БЕЛАРУСКІ ДЗЯРЖАЎНЫ ЎНІВЕРСІТЭТ КУЛЬТУРЫ

І МАСТАЦТВАЎ”

Факультэт інфармацыйна-дакументных камунікацый

Кафедра гісторыі Беларусі і музеязнаўства

НЕТРАДЫЦЫЙНЫЯ ФОРМЫ КУЛЬТУРНА-АДУКАЦЫЙНАЙ ДЗЕЙНАСЦІ ДЗЯРЖАЎНЫХ МУЗЕЯЎ г. МІНСКА:

СТАНАЎЛЕННЕ І ПЕРСПЕКТЫВЫ

Дыпломная работа

Студэнткі 550 групы

Аляксейчык В. А.

Навуковы кіраўнік:

доктар гістарычных навук, прафесар

Бяспалая М. А.

Дапусціць да абароны:

загадчык кафедры гісторыі Беларусі

і музеязнаўства,

доктар гістарычных навук, прафесар

Бяспалая М. А.

“____”____________2012 г.

Мінск 2012

ЗМЕСТ

УВОДЗІНЫ                                                                                        3

АГУЛЬНАЯ ХАРАКТАРЫСТЫКА РАБОТЫ                                        5

РАЗДЗЕЛ 1          Культурна-адукацыйная дзейнасць музеяў на сучасным этапе развіцця музейнай справы                                                                        6

1.1 Гістарыяграфія і метадалогія пытання                                        6

1.2 Месца музея ў сучасным сацыякультурным асяроддзі                11

1.3 Культурна-адукацыйная дзейнасць – сутнасць і

этапы станаўлення                                                                         18

1.4 Класіфікацыя форм культурна-адукацыйнай дзейнасці музея        23

РАЗДЗЕЛ 2         Нетрадыцыйныя формы культурна-адукацыйнай дзейнасці музея як складаючыя сацыякультурнай дзейнасці                                        28

2.1 Фарміраванне нетрадыцыйных форм культурна-

адукацыйнай дзейнасці музея                                                        28

2.2 Тэатралізацыя ў музеі                                                                34

2.3 Музейнае свята як нетрадыцыйная форма

культурна-адукацыйнай дзейнасці музея                                        41

2.4 Гульня ў прасторы музея                                                        48

ЗАКЛЮЧЭННЕ                                                                                55

БІБЛІЯГРАФІЧНЫ СПІС                                                                 57

ДАДАТАК А                                                                                 66

ДАДАТАК Б                                                                                69

УВОДЗІНЫ

Перамены, якія адбываюцца сёння ва ўсіх сферах грамадскага жыцця, не маглі не адбіцца на сацыяльным становішчы, функцыях, змесце дзейнасці музеяў. Працэсы трансфармацыі светапогляду і светаўспрыняцця людзей, пераацэнкі каштоўнасцей, звязаныя са зменамі ў палітычным жыцці беларускага грамадства ў 1990-х гг., адлюстраваліся на адносінах да культурнай спадчыны і форм яе трансляцыі. Сучасны музей імкнецца пашырыць свае функцыі, максімальна рэалізаваць накірункі дзейнасці, актыўна рэагаваць на запатрабаванні грамадства з мэтай захавання статуса інстытута фарміравання гістарычнай памяці і забеспячэння пераемнасці культурна-гістарычнага развіцця, транслятара ведаў, каштоўнасцей і культурных сэнсаў, закладзеных у музейных прадметах.

Пранікненне ў музейную сферу тэорыі камунікацыі прывяло да пераарыентацыі ўсёй дзейнасці музеяў з навукова-даследчага накірунку, які дамінаваў у перыяд інфарматыўнай адукацыйнай мадэлі, на развіццё разнастайных форм узаемадзеяння з наведвальнікамі. Эвалюцыя форм культурна-адукацыйнай дзейнасці музея сведчыць аб тым, што ён становіцца цэнтрам творчага, актыўнага спазнання гісторыка-культурнай спадчыны, даследчай практыкі наведвальнікаў. Важнай складаючай музейнай камунікацыі з'яўляецца стварэнне ў музеі ўмоў для разумення і ўспрыняцця мінулага, функцыянавання дыялогу розных культур.