Отчет по практике в "Қазгидромет" РМК

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ

ГЕОГРАФИЯ ЖӘНЕ ТАБИҒАТТЫ ПАЙДАЛАНУ ФАКУЛЬТЕТІ

ГИДРОЛОГИЯ ЖӘНЕ МЕТЕОРОЛОГИЯ  КАФЕДРАСЫ

[pic 1][pic 2]

(Жазғы  өндірістік практика)

Орындаған: Қайрат С. 

Өндірістік практика жетекшісі: Ердесбай А.У.

Практика басы: «7» маусым 2021 ж.

Практика соңы: «10» шілде 2021 ж.

Алматы – 2021 ж.

Кіріспе

Төтенше жағдайға және Қазақстан Республикасының қалаларында жарияланған карантинге байланысты бұйрық негізінде 3 курс студенттері үшін өндірістік практика қашықтықтан жүзеге асырылатын болады. Тәжірибенің ұзақтығы - 5 апта.

Өндірістік практикадан өту кезеңінде студенттерге жедел гидрологиялық ақпаратты өңдеудің ерекшелігімен және тәртібімен,   республика (облыс, қала) халқына және шаруашылық қызметіне қызмет көрсету тәртібімен және түрлі дер кезіндегі  гидрометеорологиялық болжам орындау әдістемелерімен практикадан өту орнынан ("Қазгидромет" РМК Алматы қ. филиалы) қысқаша бейне нұсқаулық түрінде танысуға мүмкіндік беріледі, сондай-ақ Универ жүйесінде өндірістік практика бағдарламасының тапсырмаларын орындау үшін практикалық нұсқаулықтар ұсынылатын болады. Өндірістік практикадан өтіп жатқан студенттермен өзара іс-әрекеттер бейнебайланыс сервистерінің (Zoom, Univer 2.0 және т.б.) көмегімен жүзеге асырылатын болады.

                                             Жоспары:

1. "Қазгидромет" РМК филиалы бөлімшелерінің құрылымымен, жүргізілетін жұмыстың ұйымдастырылуымен және көлемімен жалпы танысу
2. Бөлімшелерде жұмыс жүргізуге қойылатын жалпы талаптар.Техникалық жабдықтау және келіп түсетін ақпарат көлемі.
3. Қазіргі уақытта қолданылатын «Қазгидромет» гидрологиялық бақылау желісіндегі далалық, стационарлық гидрометриялық зерттеулерді және оларды өңдеу жұмыстарын жүргізуді үйрету. Далалық бақылау мәліметтерімен танысып, оларды камералды өңдеп баспаға дайындау. Гидрометеорологиялық зерттеулерде қолданылатын құралдармен және қондырғылармен таныстыру. Гидрологиялық бекеттерде байқауды ұйымдастыру және жүргізу.
4. «Қазгидромет» масштабында болжамдар қызметінің штаты мен құрылымымен толыққанды танысу.   Гидроақпараттық кодтар. Геоақпараттық байланыс техникасы. Қысқармерзімді болжамдардың маңызды  әдістемелерімен танысу.  Таулы өзендер ағындысын болжау; көктемгі су тасу ағындысын болжау; жазықтық өзендердің жазғы-күздік ағындысын болжау.
5. Күнделікті толтыру. Өндірістік практика бойынша есеп жасау және қорғау.

1.Дайындық кезеңі.

Қауіпсіздік техникасы бойынша нұсқаулық. "Қазгидромет" РМК филиалы бөлімшелерінің құрылымымен, жүргізілетін жұмыстың ұйымдастырылуымен және көлемімен жалпы танысу «Қазгидромет» РМК Алматы қаласы бойынша филиалы.

Қазақстан Республикасының Гидрометеорология жөнiндегi бас басқармасы (Қазгидромет) Қазақстан Республикасының мемлекеттiк басқармасының орталық атқарушы органы болып табылады.

Қазгидромет өз қызметiнде Қазақстан Республикасының Конституциясы мен заңдарын, Қазақстан Республикасы Президентiнiң Жарлықтарын, Қазақстан Республикасы Үкiметiнiң қаулыларын және осы Ереженi басшылыққа алады және қолданылып жүрген заңдардың ведомствоға бағынысты кәсiпорындарда, мекемелерде, ұйымдарда дұрыс қолданылуын қамтамасыз етедi, өз құзырына қатысты мәселелерде заңдардың ведомствоға бағынышты кәсiпорындарда, мекемелерде, ұйымдарда дұрыс қолданылуын қамтамасыз етедi, өз құзырына қатысты мәселелерде заңдардың қолданылу практикасын пысықтайды, оны одан әрi жетiлдiру туралы ұсыныс әзiрлеп, оны белгiленген тәртiппен Қазақстан Республикасы Үкiметiнiң қарауына енгiзедi.