Талғар қаласындағы жалпы ауданы 6700 ш. м. 5 қабатты қаңқалы кеңсе орталығы

Кіріспе

Бұл дипломдық жобада кеңсе орталығын жобалау және оның Талғар қаласының қала құрылысындағы рөлі туралы сөз болады. Сәулет-құрылыс бөлімінде: ғимараттың сәулеттік-конструктивтік және көлемдік-жоспарлау шешімі, ғимарат қасбетінің шешімі және аумақты көгалдандыру жоспары көрсетілген.

 Бұл дипломдық жобаның мақсаты- Үй бизнесі шағын кәсіпкерлікке өрбіген кезде, кәсіпкерлер кеңсеге көшуді ойластырады. Қызметкерлерді бақылау, клиенттермен келіссөздер жүргізу, тауарларды сақтау - бұл міндеттерді атқаруды кеңсесіз шеше алмаймыз, сондықтан кәсіпкерлерден сұраныстар көп болғандықтан біз кеңсе орталығын салуды жөн көреміз, кеңсе орталығындағы үй- жайларды әрбір кәсіпкер өз қалауына әрі қаржысна қарай жалға алуға немесе сатып алуына болады.

Біздің дипломдық жобамызда жоспарланып отыған кеңсе орталығы -кәсіпкерлер үшін дайын нұсқа.  Жақсы жөндеу, кеңсе жиһазы шаршы метр бағасына қосылады.  

Біздің дипломдық жобамыздағы кеңсе орталығы  Талғар қаласында орналасқан.

«Талғар қаласындағы жалпы ауданы 6700 ш. м. 5 қабатты қаңқалы кеңсе орталығы» аты дипломдық жоба негізгі 10 бөлімнен тұрады.

Олар:

1. Мазмұны
2. Кіріспе бөлім
3. Сәулеттік құрылыстық бөлім
4. Есептік конструктивтік бөлім
5. Технология және құрылысты ұйымдастыру бөлімі
6. Экономикалық бөлімі
7. Тіршілік қауіпсіздігі бөлімі
8. Қоршаған ортаны қорғау бөлімі
9. Қорытынды
10. Пайдаланған әдебиеттер тізімінен тұрады

1 СӘУЛЕТТІК-ҚҰРЫЛЫС БӨЛІМІ

1.1 Құрылыс аймағының сипаттамалары

Дипломдық жобаның  құрылыс ауданы – Алматы облысы, Талғар қаласы. Құрылыс  ауданының  табиғи-климаттық  мінездемесі ҚН ҚР 2.04-01-2001 мәліметтері бойынша көрсетілген.

Құрылыс ауданының табиғи-климаттық мінездемесі:

• климаттық  аудан – III В
• абсолютті  ең төмен ауа температурасы – (- 45ºС
• ең төмен температурада болатын тәуліктердің орташа температурасы –  (- 36 ºС)
• ең төмен температурада болатын бес күндік ауа температурасы – (-34 ºС)
• жылы периодтағы абсолютті  ең жоғары ауа температурасы – (+42 ºС)
• жылы периодтағы орташа жылы ауа температурасы – (+25,2 ºС)
• өте суық айдың орташа тәуліктік ауа температурасының амплитудасы – (8,7 ºС)
• өте ыстық айдың орташа тәуліктік ауа температурасының амплитудасы – (13,2 ºС)
• орташа тәуліктік температураның  периодтық жалғасымдылығында құрайтын тәуліктер – 212[pic 1]
•  орташа тәуліктік температураның ≤8ºС периодтық жалғасымдылығында құрайтын тәуліктердің орташа температурасы – (- 8,1 ºС)
• өте суық айда орташа айлық ауаның салыстырмалы ылғалдылығы – 81%
• өте ыстық айда орташа айлық  ауаның салыстырмалы ылғалдылығы – 62%
• өте суық айда  орташа айлық  ауаның 15 сағаттағы салыстырмалы ылғалдылығы – 78%
• өте ыстық айда  орташа айлық  ауаның 15 сағаттағы салыстырмалы ылғалдылығы – 44%
• қараша-наурыз айларыңдағы отырулар саны – 73мм
• сәуір-қазан айларыңдағы отырулар саны – 273мм
• желдің әсерлі бағыты желтоқсан-ақпан айларында – солтүстік-шығыстан
• желдің әсерлі бағыты маусым-тамыз айларында – солтүстік-шығыстан
• желдің қаңтардағы орташа жылдамдығы – 6,3м/с
• желдің шілдедегі орташа жылдамдығы – 4,4м/с
• орташа тәуліктік температураның  ≤8ºС периодтық жалғасымдылығындағы желдін орташа жылдамдығы – 4,6м/с
• желдік аудан – 5; желдің мөлшерлік әсері – 0,6кПа
• қарлы аудан – 2; қардын мөлшерлік салмағы – 0,7кпа

1.2 Бас жоспардың шешімі

Талғар қаласынан көпфункционалды бизнес-орталық салу үшін шағын жер телімі бөлінді. Инженерлік коммуникациялар (канализация, жылу жүйесі, электр кабелі, оның ішінде жоғары вольтты электр кабельдері) алаңнан өтіп жатыр.

Учаскенің рельефі, тегіс  шамасы 0,5м мөлшерде көлбеу болады, бас жоспарға сәйкес жобаланатын көпфункционалды кеңсе орталықтың барлық көлемі жер учаскесінің батыс бөлігінде орналасқан.

Учаскенің батыс бөлігі жобаға сәйкес ағаштар мен бұталарды отырғызып абаттандырылуы керек. Солтүстіктен жоба демалыс аймақтарын орналастыруды қарастырады.