Янка Брыль

Янка Брыль - адзін з самых вядомых народных пісьменнікаў Беларусі, лаўрэат дзяржаўных і літаратурных прэмій, ганаровы акадэмік Нацыянальнай акадэміі навук. Яго папулярнасць выйшла далёка за межы нашай краіны, што заслужана: амаль 70 гадоў свайго жыцця ён прысвяціў літаратуры. Зараз творы Янкі Брыля перакладзены на рускую, украінскую, літоўскую, латышскую, польскую, чэшскую, французскую, англійскую і іншыя мовы свету.

Нарадзіўся 4 жніўня 1917 у Адэсе ў сям'і чыгуначніка. У 1922 годзе разам з бацькамі пераехаў на іх радзіму ў Заходнюю Беларусь. Скончыў польскую сямігадовую школу, паступіў у гімназію, аднак не мог у ёй вучыцца, займаўся самаадукацыяй. З 1938 г. публікаваў вершы і публіцыстыку ў віленскім беларускім часопісе «Шлях моладзі». У 1939 прызваны ў польскую армію, служыў у марской пяхоце. У час вайны працаваў у розных газетах і часопісах. З 1945 стаў член Саюза пісьменнікаў СССР. Паспеў пабываць сакратаром праўлення Саюза пісьменнікаў БССР, Старшынёй Беларускага аддзялення таварыства «СССР-Канада», сябрам Беларускага ПЭН-цэнтра і нават двойчы абіраўся дэпутатам Вярхоўнага Савета БССР. Памёр 25 ліпеня 2006 года.

Да 100-гадовага юбілею пісьменніка ў 2017 годзе Міністэрства сувязі і інфарматызацыі выпусціла ў абарачэнне канверт з арыгінальнай маркай "100 гадоў з дня нараджэння Янкі Брыля". Тэлеканал "Беларусь-3" паказаў відэаролікі, у якіх творы аўтара чыталі вядомыя акцёры тэатра і кіно. Таксама былі праведзены Выстаўкі да 100-годдзя з дня нараджэння народнага пісьменніка Беларусі Янкі Брыля і народнага паэта Беларусі Пімена Панчанкі ў Дзяржаўным музеі гісторыі беларускай літаратуры. У знак вялікага ўкладу пісьменніка 26 верасня 2007 года ў Мінску назвалі вуліцу ў яго гонар, а праз год там была адкрыта мемарыяльная дошка. На барэльефе, выкананым у выглядзе раскрытай бронзавай кнігі, пісьменнік намаляваны з той мудрай усмешкай, якая знаёмая ўсім прыхільнікам яго творчасці барэльефе, выкананым у выглядзе раскрытай бронзавай кнігі, пісьменнік намаляваны з той мудрай усмешкай, якая знаёмая ўсім прыхільнікам яго творчасці. У гэтым годзе неверагодна таленавітаму Янку Брылю магло споўніцца 105 гадоў.