Яссауи –дәуір данасы

                Тақырыбы :  Яссауи –дәуір данасы

Мақсаты: Ислам уағызшысы, сопылық ақын,дін танушы, Арыстанбаптың шәкірті ,философтың  хикметтерін, шығармаларын дәріптеу, халықтың дінге деген көзқарасын жақсарту,сопылық моральдық  ілімдерін насихаттау

   Армысыздар, ұстаздар және оқушылар! Сопылық ақын,дін танушы Қожа Ахмет Яссауи тұлғамыздың туылғанына 930 жыл толуына орай ұйымдастырылған « Яссауи –дәуір данасы» атты  іс-шарамызға қош келдіңіздер!

    1-Жүргізуші:Қожа Ахмет Ясауи – 1093 жылы туылған түркістандық ғұлама, әулие. Қожа Ахмет Ясауидің арғы тегі қожалар әулеті. Әкесі – Исфиджабта даңққа бөленген әулие, Әзірет Әлінің ұрпағы Шейх Ибраһим. Анасы – Мұса шейхтың қызы Айша (Қарашаш ана). Мұса шейх те Исфиджабта әулиелігімен танылған. Кейбір деректерде Қожа Ахмет Ясауидың Ибраһим атты ұлы мен Гауhар Хошназ (Жауhар Шахназ) атты қызының болғандығы айтылады.

     2-Жүргізіші: Сонымен қатарҚожа Ахмет Ясауидың ұрпағы негізінен осы қызынан тарайды. IX ғасырда Отырар, Исфиджаб, Баласағұн, Ясы, Сауран, Сығанақ Шаш, Сүткент, Жент, Кудур, Отлук, Өзкент, тағы да басқа Мауеранахр қалаларында ислам діні уағызшыларының белсенді әрекеттері саяси сипат алған болса, Х ғасырдан бастап ислам ілімі жолындағы тәлім-тәрбиелік ордалар – медресе-теккелер түбегейлі орнығып, исламдық-руханияттық ахлақи (моральдық) ұстанымдар қалыптаса бастады. Қожа Ахмет Ясауи дүниеге келмей тұрып, Исфиджабта исламдық фикһ (құқық) мектебі ханафи мазһабының ондаған өкілдері өмір сүрді.