Компонентті енгізудің техникалық құралдарының сипаттамасы

Кіріспе

        Қазіргі таңда интернет заманауи өркениеттің ажырамас бөлігі. Білім беру, сауда, байланыс, қызмет көрсету салаларына жылдам еніп,  қарым-қатынас пен оқытудың, сауда мен ойын-сауықтың жаңа түрлерін қалыптастыруда. «Желілік кезең» - казіргі күннің нақты әлеуметтік және мәдени құбылысы. Заманауи адамға ғаламтор өмірге таныс және ыңғайлы серік болды. Адамзат өзінің дамуында жаңа ақпараттық кезеңге шықты, ал желілік технологиялар бұл кезеңде үлкен рөл атқарды.

        Интернет алғаш дамыған кезде,  HTML-дін  тілін жақсы  білетін адам ғана, өз интернет-сайттарын құрып, іске қоса алатын. Алғашында  сайттар серверде орналасқан қарапайым статикалық құжаттар жиынтығы болып табылатын.

        Интернеттің дамуымен қатар, көптеген интернет сайттар пайда болып, әлемдік ғаламтордың ажырамас бөлігі болып табылады. Қазіргі уақытта көптеген сайттар  динамикалық және интерактивті болып табылады. Енді серверде жүздеген статикалық беттерді сақтаудың қажеті жоқ, ол үшін сайтты өзі жасайтын Content Management System (CMS) деп аталатын жүйені орнату қажет, ал жүйе қолданушыдан тек жүйені орнату үшін біраз уақыт және сайттың құрамын енгізуі қажет. Оған тіпті HTML білу қажет емес.

Қазіргі уақытта көптеген басқару жүйесі құрылған, олар құрылымы бойынша тегін және коммерциялық болып келеді. Тегін жүйелердің барлық түрлерінің ішінен Joomla CMS-тің мазмұнды басқару жүйесі алдыңғы орында, оларды жүктеу саны 4 миллионға жетті. Joomla CMS тегін таратылады және оған жүйенің стандартты функциясын  кеңейтетін көптеген компоненттер жазылған.

        Дегенмен, қосымша компоненттердің көптігіне қарамастан, сайт арнайы талаптарға сәйкес келетін  өзінің компонентін шығаруы керек,  яғни Joomla CMS арқылы  құрылған. Сондықтан, осы жүйенің әрбір жаңа пайдаланушысымен Joomla компоненттерін жобалау мен дайындау негіздерін білудің өзектілігі тікелей пропорционалды өсуде.

        I. Компонентті енгізудің техникалық құралдарының сипаттамасы

   1.1. Интернет желісі туралы негізгі ақпарат

        Интернет - бұл миллиондаған компьютерлерді бірыңғай ақпараттық жүйеге біріктіретін әлемдік компьютерлік желі. Интернет арқылы ғылыми, іскерлік, білім беру және ойын-сауық ақпараттарын тегін жазып алып,  таратуға  кең мүмкіндік бар. Ғаламдық желі әлемнің барлық ірі ғылыми және үкіметтік ұйымдарын, университеттер мен бизнес орталықтарды, ақпараттық агенттіктерді және баспа үйлерін байланыстырып, адам білімінің барлық салалары үшін үлкен дерек қорын құрады. Виртуалды кітапханалар, мұрағаттар, жаңалықтар ,  графикалық , аудио және видео туралы ақпарат бар.

        Интернет екі ойды іске асыру мақсатында - ақпараттың ғаламдық қорын құру және оны таратудың әмбебап тәсілі ретінде пайда болды.

Адамзат ұзақ уақыт бойы жазылған ақпаратты сұрыптауға ұмтылды. Каталогтардың прототиптері осығандейін  Александрияның кітапханасында болған және ертеректегі діни мәтіндерде «параллельді орындар» деп аталатын дамыған аппараттар болған, яғни бірдей оқиғаларды сипаттайтын қолжазбаның орындары табылған.

        Ғылыми әдебиеттердің пайда болуы және көшкін тәрізді түрлі ақпараттардың жинақталуы, жазбаша түрде оларды жүйелендіру қажеттілігін одан сайын арттырды. ХХ ғасырда. архивтік жұмыс, каталогтандыру және рефераттау мамандыққа айналды.

        Американдық ғалымдар Ванневар Буш (VannevarBush) және Теодор Нельсон (TheodorHolmNelson) адамның ойлау қызметін автоматтандыру жолдарын іздестірді. Олар адамды  қажетті ақпаратты іздеу және оны өңдеудің қажырлы жұмысынан құтқарғысы келді. Буш деректер файлындағы ассоциативті байланыстарды құратын  бірнеше гипотетикалық құрылғыларды ойлап тапты,  ал Нельсон адамзат жинақтаған барлық білімнің миллиардтаған  сілтемелері арқылы, бірыңғай ақпараттық жүйені біріктіретін «құжаттық әлем» теориясын дайындады. Бұл ғалымдардың еңбектері практикаға қарағанда философиялық тақырыпта болды, бірақ олардың идеялары қазір гипермәтін деп аталатын нәрсенің негізін құрды.