Суда еритін витаминдер

         ҚАЗАҚ ҰЛТТЫҚ АГРАРЛЫҚ ЗЕРТТЕУ УНИВЕРСИТЕТІ

                «Технология және биоресурстар факультеті»

«Н.О.Базанова атындағы физиология морфология және

                                     биохимия» кафедрасы

   РЕФЕРАТ      

Тақырыбы:Суда еритін витаминдер

                                             Орындаған: Жарылқасын А.Р.  БТ-20-03К

                                             Тексерген: Ережепова М.Ш.

                                            Алматы 2021

Жоспар:

I. Кіріспе
II. Негізгі бөлім
1.Витаминдер туралы жалпы түсінік.

2. Суда еритін витаминдер:В тобындағы С және Р .

3.Коферменттік қызметі.

III. Қорытынды

    Витаминдер дегеніміз - азық-түлік өнімде-рінде, жем-шөпте шағын мөлшерде ғана кездесе-тін, ал адам мен жануарлар организмінде бірқалыпты тіршілік үшін өте қажет төмен моле-кулалы органикалық заттар.

    Адамның және жануарлардың организмінде, өсімдік тектес азықтарда витаминдердің алғы шарты сияқты қосылыстар болады. Олар провитаминдер (каротиндер, стеролдар) деп аталады. Мұндай провитаминдер тиісті активті қалыпқа түскеннен кейін сәйкес витаминдерге айналады.

    Азық-түлік және жем-шөп құрамында витаминдердің жетіспеуі немесе мүлде болмауы организмдегі зат алмасу процесін бұзады. Мысалы, мұндай жағдайда жас төлдің өсуі тоқтайды және ол әр түрлі ауруға ұшырауға бейім болады. Азық-түлікте, жем-шөпте ұзақ уақыт бойы витаминдер болмаса немесе организмнің витаминді сіңіру қабілеті бұзылса,                                                                                             ауру пайда болады. Ондай ауруды авитаминоз деп атайды. Қоректе ұзақ уақыт С витамині болмаса, организм құрқұлақ ауруына ұшырайды. Мұндай витаминдер жоқ жағдайда құрқұлақ - С-авитаминоз деп жазу қабылданған. Осылайша рахит (мешел) - D-авитаминоз, бери-бери - В1-авитаминоз, т. с. с.

Авитаминоз ауруларын витаминдерді көбірек беру арқылы емдейді. Авитаминоз ауруларының белгісі айқын білінеді, сондықтан оның диагнозын қойып, анықтау онша қиын емес.

    Витаминнің жетіспеуі жиі кездеседі. Мұндай кезде сырқат белгі береді. Бұл жағдайды гиповитаминоз деп атайды. Гиповитаминоз жағдайы организмге қажет витамин мөлшерінің қалыптан төмендеп кетуінен болады. Гиповитаминоз белгілерін анықтау қиындау. Әдетте гиповитаминоз сырқаты қыстың аяғына таман, азық-түлікте және жем-шөпте витаминдер мөлшері өте азайған кезде байқалады.

    Кез-келген витаминді (әсіресе А және D витаминін) организмге қалыптан тыс көп беру гипервитаминоз ауруына ұшыратады. Витаминді бір жолы көп мөлшерде қабылдау уландырады. Ондай жағдайда «гипервитаминоз» деуге болмайды.

Суда еритін витаминдер

Суда еритін витаминдер өте көп. Оларға: В витаминдер тобы С, Р витаминдері, инозитол жатады. В витаминдер тобына 15-тен астам зат кіреді, олардың бәрінің молекуласында азот бар. В витаминдер тобына жататындар: В1, В2, В3, В5 (РР), В6, В12, Вс, В15 витаминдері және басқалар.

    Витаминдер тіршіліктің ауыстырылмайтын факторы. Адамның, жануарлардың, микроорганизмдердің қалыпты жағдайда тір-шілік етуі үшін өте аз мөлшерде витаминдер керек. Ал егер витамин болмаса, не жеткіліксіз болса зат алмасу бұзылып қатты науқас басталады. Витаминдердің ауыстырылмайтын себебі, олардың құрылымы мен функционал-дық топтарының әсері. Сондықтан бұл тарауда олардың молекула құрылымының ерекшелігіне, биологиялық роліне және әсер ету механизміне көңіл бөлінеді.          

Суда еритін дәрумендер