Қоғам дамуындағы философияның рөлі

Қазақстан Республикасының Білім және Ғылым Министрлігі

Коммерциялық емес акционерлік қоғамы

Ғұмарбек Дәукеев атындағы

«АЛМАТЫ ЭНЕРГЕТИКА ЖӘНЕ БАЙЛАНЫС УНИВЕРСИТЕТІ»

Әлеуметтік пәндер кафедрасы   

[pic 1] 

№1 СЕМЕСТРЛІК ЖҰМЫС

Пән: Философия

Тақырыбы: Қоғам дамуындағы философияның рөлі

Мамандық: Системы информационной безопасности 6B06306 

Орындаған: Сапаралиев Ерсұлтан тобы: СИБк 22–1

Қабылдаған: ф. ғ. к., доцент Апашов С.Б. 

Алматы, 2023 жыл

ЖОСПАР

Кіріспе3

Негізгі бөлім4

Қоғамдық құндылықтар мен философия4

Философия және билік құрылымы6

 Философия және мәдениет ....................................................................................8

 Философия және өмір салты ................................................................................10

   Философия және қоғамның қазіргі талаптары ..................................................13

Қорытынды ............................................................................................................14

Қолданылған дереккөздер тізімі ………………………………………………15

Кіріспе

Философия барлық ғылымдардың ішіндегі ең көнесі ретінде адамзаттың негізгі сұрақтарына үздіксіз жауап іздеу болып табылады. Оның әлеуметтік құндылықтарды, дүниетанымдық көзқарастарды және билік құрылымдарын қалыптастырудағы рөлін асыра бағалау мүмкін емес. Ғасырлар бойы қалыптасқан философиялық ой-пікір адам өмірінің барлық салаларына әсер етіп, қоғамдық дамудың бағытын қалыптастырып, бағыт-бағдар беріп отырады.  

Тақырыптың өзектілігі. Біздің заманымызда, жылдам өзгерістер мен технологиялық революция дәуірінде философия бұрынғыдан да өзекті бола түсуде. Ғылыми-техникалық білімнің кеңінен таралуына қарамастан, философия өмірдің мәніне, адамгершілікке, әділеттілікке және бізді қоршаған әлеммен үйлесімділікке байланысты маңызды сұрақтарды қоюды жалғастыруда. Ол сонымен қатар қазіргі қоғамда негізделген шешімдер қабылдау және күрделі әлеуметтік-мәдени мәселелерді шешу үшін қажет сыни ойлау мен талдау қабілетін дамытуға ықпал етеді.

Жұмыс мақсаты мен міндеттері. Бұл семестрлік жұмыстың мақсаты – қоғам дамуындағы философияның рөлін тереңдетіп қарастыру. Cемеcтipлiк жұмыcымның тaқыpыбын тoлық aшу, мaзмұнындa көpcелiлген тapaулap мен тapмaқшaлapды жaн-жaқты aйқын жaзу үшiн филocoфия мен бacқaғылым caлaлapы зеpттеушiлеpiнiң еңбектеpiн, интеpнет желiciн пaйдaлaнa oтыpып, aлдымa келеci мiндеттеpдi қoямын:  

• Қандай идеялар мен концепциялар мәдениеттің, саясаттың, қоғамдық нормалардың қалыптасуына көп үлес қосқанын анықтау;
• Қандай философтар қоғамның дамуына атсалысқанын анықтау;
• Қазіргі кезде философия не үшін керектігін анықтау;

Негізгі бөлім

Философия - қоғамдық құндылықтардың қалыптасуына үлкен әсер етеді. Философиялық концепциялар қоғамда маңызды және құнды болып саналатын нәрселерді анықтайды. Мысалы, Ежелгі Грецияда Сократ, Платон, Аристотель сынды философтар әділеттілік, ізгілік, ақиқат ұғымдары туралы ой қозғап, қоғамның моральдық нормалары мен заңдарына үлкен әсер етті.

Сократтың антикалық қоғамға ықпалы. Антикалық философияның және сол замандағы адам санасының дамуындағы елеулі рөл Сократқа тиесілі. Сократтың философиялық толғауларының пәні – өзінен бұрынғы филиософтар сияқты ғарыш пен табиғат емес, адам санасы, жан дүниесі, жалпы адам өмірі болған. Адам болмысының мәселелерін талдай отырып, Сократ өзінің әңгімелерінде этика мәселелеріне, яғни адам қоғамда өмір сүруге тиісті нормаларға басты назар аударды. Ол философиясында негізгі 2 принципті ұстанған:

1. Әр адам өзін-өзі тануы керек.
2. Ешкім нақты ештеңе білмейді және оның ештеңе білмейтінін тек нағыз данышпан ғана біледі.

Көпшілік адамның ойынша білім адамның іс-әрекетіне ешқандай өзгеріс енгізбейді және білім мен адамгершілікті екі бөлек дүние ретінде қарастырады. Сократтың этикалық концепциясы тек моральдық тұрғыға ғана көңіл бөлмей, надандық пен білімсіздікті жеңуге де негізделген. Оның концепциясын былай суреттеуге болатын сияқты: білім арқылы надандықтан адамгершілікке, сонан соң – мінсіздікке және адамдар арасындағы ізгілікке. Сократтың осындай философиясы Антикалық заманда адамдардың саналарына үлкен өзгеріс әкелді деп санауға болады.