Үштілділік

Үштілділік – заман талабы, ол адамдардың білімін, дағдысын кеңейтуге, адамдар арасындағы өзара түсіністікке ықпал етеді, тілді меңгеру дәрежесі – оның негізгі критерийлерінің  бірі.  Бірнеше тілді білу үлкен жаһандық әлемге үлкен ақпарат пен инновациялар ағынына жол ашады. Үштілділікті орынды, сауатты және дұрыс енгізу бізге кез келген ортаға коммуникативті бейімделуге мүмкіндік береді.

Қазақстан Республикасында үштілді білім беру үлкен танымалдылыққа ие болуда және

бүгінгі таңда жоғары білім беру жүйесіндегі негізгі бағыттардың бірі болып табылады. Бірнеше тілді меңгерген бәсекеге қабілетті мамандарды дайындау міндеті қойылды. Қазіргі жағдайда тіл білімі төмен мамандар кәсіби байланыс орнатуда қиындықтарға тап болуда. Қалыптасқан жағдайдың негізгі себептерінің бірі – лингвистикалық емес жоғары оқу орындарында шетел тілін оқыту мәселесінің болашақ мамандығының ерекшеліктері мен қазіргі еңбек нарығының талаптарын ескере отырып, жеткілікті түрде дамымауы.

Қазақстанда қазақстандықтардың үш тілді: қазақ, орыс және ағылшын тілдерін бірден меңгеруіне бағытталған бірегей үштілділік саясаты жүргізілуде.

Білім беру үдерісіне үштілділікті енгізудің мақсаты:

 Үш тілді жетік меңгерген мамандарды даярлау мақсаты:

-  кәсіби бағдарланған тілдік оқытуды насихаттау.

- Білім беру мекемелерінде көптілді орта құру.

- Көптілді білім беруді жүзеге асыру арқылы студенттердің кәсіби құзыреттілігін дамытуға жағдай жасау.

Ең алдымен, үштілде оқыту жүйесі дәстүрлі емес формамен байланысты болуы керек, ал дәстүрлі емес сабақтар – әртүрлі білім беру формаларының әдістері мен тәсілдерін жинақтаған сабақтар. Олар оқытушы мен студенттердің бірлескен іс-әрекетіне негізделе отырып бірлескен ізденіс, оқу-тәрбие процесінің тиімділігін арттыру мақсатында жаңа әдіс-тәсілдерді әзірлеу бойынша эксперимент. Үштілділік оқыту пәнаралық байланыстарға, пәндерді біріктіруге негізделген, әртүрлі педагогикалық технологияларды қолдануды көздейді, студенттердің дүниетанымын қалыптастырудың, ой-өрісін дамытудың маңызды кезеңі.