Ювал Ноаһ Харари

Ювал Ноаһ Харари – тарихшы-медиевист, Иерусалимдегі Еуропа

университеті тарих факультетінің професоры. «Sapiens: Адамзаттың қысқаша

тарихы» және «Homo Deus: ертеңгі күннің қысқаша тарихы», сондай-ақ, «21

ғасырға арналған 21 сабақ» атты еңбектердің авторы. Оксфорд

университетінде докторлық дәрежесін алған. Оның «Sapiens: Адамзаттың

қысқаша тарихы» кітабы 2011 жылы ивритше және кейін 2014 жылы ағылшын

тілінде жарияланды, содан бері ол тағы да 45 тілге аударылды. Кітап адамзат

тарихының бүкіл кезеңін қарастырады. Иврит тіліндегі басылымы Израильде

бестселлерге айналып, жалпы көпшілік арасында айтарлықтай қызығушылық

оятты, сөйтіп Харари көпшілікке танымал тұлға болып шыға келді. Қазіргі

таңда Харари трансұлттық тарих және макротарихи үдерістер тақырыбын

зерттейді. Халықаралық форумдарда жоғары сұранысқа ие лекторлар мен

спикерлер қатарына кіреді.

«Sapiens: Адамзаттың қысқаша тарихы» кітабында айтылатын жалпы

мазмұны – адамзат тарихы үш үлкен революциямен қалыптасты: когнитивті

революция (70 000 жыл бұрын), аграрлық революция (10 000 жыл бұрын)

және ғылыми революция (500 жыл бұрын). Бұл революциялар адамдарға басқа

ешбір тіршілік иелері жасай алмаған нәрсені жасауға, атап айтқанда,

физикалық түрде жоқ идеяларды құруға және біріктіруге мүмкіндік берді. Бұл

жалпы «мифтер» адамдарға жер шарын басып алуға және адамзатты табиғи

сұрыпталу күштерін жеңу шегіне жеткізді.

Ал енді «Sapiens: Адамзаттың қысқаша тарихы» кітабының нақты бірінші

бөлімінде айтылған негізгі ойға көшсек. Бұл тарауда профессор Харари Үлкен

жарылыс теориясын қолданады. Оның айтуынша, кеңістік, уақыт, энергия

және материя шамамен 13,5 млрд жыл бұрын қалыптаса бастаған. Бұл

құбылыстардың пайда болуы Ғаламдағы маңызды белгілердің дамуының

негізін қалады. Бұл құбылыстардың қалыптасуы физиканың пайда болуына

себеп болды. Профессор