Упраўленне па адукацыі, спорце і турызме Крупскага райвыканкама

Упраўленне па адукацыі, спорце і турызме Крупскага райвыканкама

Дзяржаўная ўстанова адукацыі "Узнацкая сярэдняя школа Крупскага раёна"

[pic 1]

[pic 2]

Кіраўнік Асташка Тамара Дзмітрыеўна

Змест

Уводзіны     ……………………………………………………………………….       3

     Асноўная частка    

1. Гісторыя ўзнікнення ўсмешкі………………………………………….       4
   1.1. Развіццё ўсмешкі…………………………………………………….       4
   1.2. Адносіны да ўсмешкі вядомых пісьменнікаў, філосафаў…………      4
2. Узаемасувязь усмешкі і фізічнага здароўя чалавека……………………     5
   2.1. Уплыў усмешкі на эмацыянальна-псіхалагічны стан чалавека……     6
   2.2. Сувязь усмешкі і ўзаемаадносін людзей у грамадстве……………..     6
3. Інфармацыйныя даведкі аб усмешцы…………………………………….     7

1.  Сіла ўсмешкі………………………………………………………….      8
2.  Як усмешка прыцягвае поспех? ……………………………………       8
3.  Як засвоіць мастацтва ўсмешкі…………………………………….        8

4. Практычная частка………………………………………………………..        9

   Заключэнне      ………………………………………………….………………......       13

   Спіс выкарыстанай літаратуры        …………………………………………..…...       14

   Дадатак    …………………………………………………….……………………..        15

Уводзіны

Кожны дзень, калі мы бачым сваіх бацькоў, сяброў, мы ўсміхаемся ім у знак прывітання, але ніхто з нас пры гэтым не задумваецца, навошта мы ўсміхаемся, што гэта значыць для нас і для навакольных людзей і як гэта можа паўплываць на паспяховасць ў жыцці.

Праблема: У сваёй працы я хачу даследаваць прыроду ўсмешкі, яе віды, ролю ўсмешкі ў працэсе зносін, а таксама паспрабую даказаць, што чалавек, які ўсміхаецца, больш прывабны і выклікае давер у навакольных, у адрозненне ад таго, хто ўсміхацца не прывык.

Мэта: Паказаць значэнне ўсмешкі для паспяховасці падлеткаў у жыцці.

Праверыць узаемасувязь усмешкі і паспяховасці чалавека ў зносінах і яго дзейнасці.

Актуальнасць: Мы жывём у ХХІ стагоддзі – стагоддзі новых інфармацыйных тэхналогій, новых адкрыццяў у галіне навукі, тэхнікі, медыцыны, дасягненняў ва ўсіх сферах чалавечага жыцця. Здавалася б: чалавецтва дасягнула такога ўзроўню, што кожны можа рэалізаваць увесь свой творчы патэнцыял, дамагчыся поспеху ў рознай дзейнасці і асабістым жыцці, быць упэўненым у будучыні, шчаслівым, паспяховым, здаровым. Але назіранні за навакольным жыццём, людзьмі і аб’ектыўныя дадзеныя даследаванняў даказваюць адваротнае: мы ўсё часцей сутыкаемся ў паўсядзённым жыцці з грубымі, жорсткімі, агрэсіўнымі людзьмі.

Гіпотэза: Усмешка з’яўляецца выразам эмацыянальнага самаадчування, яна здольная дапамагчы чалавеку палепшыць фізічнае і псіхічнае здароўе, спрыяць фармаванню духоўна-маральных адносін людзей у грамадстве.

Прадукт: Брашура з рэкамендацыямі для падлеткаў, якая будзе тлумачыць, як ўсмешка можа дапамагчы яму ў жыцці. Яна будзе матываваць навучэнцаў заўсёды глядзець на ўсе сітуацыі з пазітывам.

Задачы:

1. Вывучыць літаратуру аб усмешцы, смеху, у тым ліку, пра ўплыў усмешкі на здароўе чалавека, на яго паспяховасць, на яго ўзаемаадносіны з іншымі людзьмі.

2. Вывучыць меркаванні  вучняў нашай школы аб значэнні ўсмешкі ў іх жыцці.

3. Зрабіць высновы на падставе вывучанай літаратуры пра ўплыў ўсмешкі на здароўе людзей, на іх паспяховасць і ўзаемаадносіны з іншымі людзьмі.

4. Зрабіць буклет “Чароўная сіла ўсмешкі” з парадамі для падлеткаў.

1. Гісторыя ўзнікнення і развіцця ўсмешкі

У сярэдзіне ХІХ стагоддзя Чарльз Дарвін першым выявіў, што міміка чалавека з’яўляецца працягам мімічных выразаў, уласцівых чалавекападобным малпам: з дапамогай мімікі прыматы перадавалі пагрозу, неспакой, спалох, дэманстравалі агрэсію або міралюбнасць. Па Дарвіну, у чалавека міміка выяўляла спачатку гатоўнасць да нападу, перамяшчэння, абароны, і толькі ў ходзе развіцця чалавека выраз твару стаў перадаваць інфармацыю аб унутраным стане чалавека, аб яго імкненні да ўсталявання зносін з іншымі людзьмі.