Videooqim tezligini boshqarishdagi videotasvirlarni uzatish algoritmlarini tadqiq qilish
Автор: Otakhon1125 • Сентябрь 6, 2025 • Лабораторная работа • 2,450 Слов (10 Страниц) • 2,105 Просмотры
№1-Laboratoriya mashg‘uloti
Videooqim tezligini boshqarishdagi videotasvirlarni uzatish algoritmlarini tadqiq qilish
Laboratoriya mashg‘ulotining maqsadi: Video tasvirlarni siqish algoritmlarini, videoma’lumotlarni siqish darajasini boshqarish algoritmini va vaqt birligida uzatiladigan kadrlar sonini tartibga soluvchi algoritmni o‘rganish; tadqiq qilinayotgan algoritmlarning xususiyatlarini o‘lchashni amalga oshirish.
Qisqacha nazariy ma’lumotlar. Video ma’lumotlar tarmoq orqali siqmasdan yoki siqilgan holda uzatilishi mumkin. Ikkinchi holatda bu “siqilgan video” deb ataladi. Videosiqmasdan uzatish uchun ma’lum formatlar belgilangan bo‘lib, ular ma’lum o‘tkazuvchanlik qobiliyatini talab qiladi. Shu bilan birga, o‘rnatilgan aniqlik darajasiga qarab, kadr butun ekran yoki uning bir qismini to‘ldirishi mumkin (1.1-jadval). Uzatishda umumiy oraliq format CIF (Common Intermediate Format), shuningdek, FCIF (Full CIF) deb ham ataladigan format qo‘llaniladi. Ushbu formatning standart hosilalari QCIF (Quarter CIF) va SQSIF (Subquarter CIF) formatlaridir.
1.1-jadval
O‘tkazuvchanlik qobiliyatiga talablari (siqilmagan video uchun)
Format | Gorizontal bo‘yicha kengaytma | Vertikal bo‘yicha kengaytma | Kadrdagi piksellar soni | Jo‘natish chastorasi,bir soniyadagi kadrlar | O‘tkazish qobiliyati, Мbit/s |
To‘liq экран | 640 | 480 | 307 200 | 15 | 73 |
To‘liq экран | 640 | 480 | 307 200 | 10 | 49 |
Ekraning 1/2 qismi | 452 | 340 | 153 680 | 15 | 36 |
Ekraning 1/2 qismi | 452 | 340 | 153 680 | 10 | 24 |
CI | 352 | 288 | 101 376 | 15 | 24 |
CIF | 352 | 288 | 101376 | 10 | 16 |
Ekraning 1/4 qismi | 320 | 240 | 76 800 | 30 | 36 |
Ekraning 1/4 qismi | 320 | 240 | 76800 | 15 | 18 |
QCIF | 176 | 144 | 25344 | 30 | 12 |
QCIF | 176 | 144 | 25344 | 15 | 6 |
1/16 экрана | 160 | 120 | 19200 | 30 | 9 |
1/16 экрана | 160 | 120 | 19200 | 15 | 4 |
SQCIF | 128 | 96 | 12288 | 30 | 5 |
SQCIF | 128 | 96 | 12288 | 15 | 2 |
Izoh: Barcha ma’lumotlar 16 bitli rang chuqurligi faraziga asoslangan.
Hozirgi kunda video ma’lumotlarni siqilmagan holda uzatish juda kam qo‘llaniladi. Buning sababi shundaki, bunday uzatish uchun keng o‘tkazuvchanlik talab qilinadi. Siqilmagan video ma’lumotlar, odatda, yetarli o‘tkazuvchanlikni ta’minlashda muammo bo‘lmagan tashkilotlar tarmoqlarida qo‘llaniladi.
Turli tasvir formatlari (tasvir hajmi, aniqligi va har soniyada uzatiladigan kadrlar soniga qarab) turli o‘tkazuvchanlik talablariga ega bo‘ladi. 1.2-jadvalda tasvir formatlari uchun o‘tkazuvchanlik talablariga oid ma’lumotlar keltirilgan. Ushbu formatlar shaxsiy kompyuterlar dunyosida qo‘llaniladigan video standartlari (masalan, EGA, VGA va boshqalar) hamda televizion formatlar (masalan, PAL va SECAM) uchun ishlatiladi.
...