Светлыя і цёмныя адценні колеру. Папараць-кветка

Тэма: Светлыя і цёмныя адценні колеру.  Папараць-кветка.

Мэта: фарміраванне  ўяўленняў вучняў аб светлых і цёмных адценнях колеру.

Задачы:

- фарміраванне ўменняў атрымліваць і выкарыстоўваць светлыя і цёмныя адценні асноўных і састаўных колераў;

- фарміраванне ўмення рацыянальна запаўняць выявамі карцінную плоскасць;

- азнаямленне са спосабамі і прыёмамі афарбоўвання паперы: «уліванне колеру ў колер», «па-сырому».

- фарміраванне ўмення перадаваць святлоценявыя градацыі пры мадэліраванні аб'ёму  аб'ектаў, якія адлюстроўваюцца

Абсталяванне : альбом, фарбы, алоўкі

Ход урока

I. Арганізацыйны момант  

У дзесяць, восем, у тры і пяць

Дзеці любяць маляваць.

Сядайце разам дружна,

Пачнём жа працаваць!

- Павярніцеся тварам адзін да аднаго, усміхніцеся, вазьміцеся за рукі. Пажадайце ў думках адзін аднаму добрага настрою і поспехаў у працы. Сядайце.

1. Пастаноўка тэмы  і мэты занятка  

Сёння на уроку мы ўзгадаем светлыя и цёмныя адценні колеру,  выканаем кампазіцыю на тэму “Папараць-кветка”.

1. Актуалізацыя ведаў

- Якія колеры называюцца галоўнымі або асноўнымі? ( Чырвоны, жоўты, сіні).

- Чаму мастак не можа абысцісе бяз іх?

-Якія колеры атрымліваюцца пры змешванні асноўных колераў на палітры?

Праблемная задача.

• У вас ёсць толькі тры колеры (чырвоны ,жёўты і сіні) , як вы паступіце , калі вам патрэбна намаляваць апельсін, агурок, памідор, вінаград.
• Дзе у прыродзе можна сустрэць ужо знаёмыя нам асноўныя і састаўныя колеры разам? Назавіце колеры вясёлкі.

3. Тлумачэннне новай тэмы.

- Сёння на ўроку мы даведаемся аб тым , што колер , а лепш сказаць, адценкі колеру , бываюць цёмныя і светлыя. 

3.1Аналіз твораў мастацтва

І Хруцкі “Кветкі і плады” і С .Каткоў “Палявыя кветкі”

3.2 Уводная гутарка

- Сёння мы з вамі будзем маляваць казачную кветку “ Папараць – кветку”

1. Легенда пра папараць-кветку

• Ці чулі вы што-небудзь пра папараць-кветку?

Дзеці:
       - Існуе легенда, вядомая не толькі беларускаму, але і іншым славянскім народам, паводле якой у купальскую ноч нібы расцвітае кветка папараці, і той, хто яе адшукае, можа авалодаць усімі зямнымі скарбамі: будзе багаты і шчаслівы, атрымае дар разумець мову звяроў, птушак, дрэў, раслін.

Але здабыць яе вельмі цяжка: у самую поўнач, калі яна павінна раскрыцца, прыходзіць мацнейшая навальніца, зіхаціць бліскавіца, грыміць гром, і таму, хто асмельваецца сарваць кветку, здаюцца розныя пачвары, якія імкнуцца ўсяляк перашкодзіць задумам чалавека.

Каму ўдавалася сарваць кветку, павінен быў не аглядваючыся ісці дадому і не звяртаць увагі ні на пагрозы, ні на зманлівыя абяцанні, якімі ведзьмы імкнуліся прымусіць чалавека азірнуцца. Інакш, кветка ў адзін момант прападзе.

Па народных уяўленнях, папараць-кветка зацвітае на адно імгненне, пялесткі яе гараць,  як агенчыкі. Стаць уладаром яе вельмі цяжка, бо варожыя сілы ўвесь час ладзяць на шляху шукальнікаў кветкі шчасця непераадольныя выпрабаванні.

Папараць цудная ў лесе расце,
Толькі ў купальскую ночку цвіце.
Колерам дзіўным яна зіхаціць,
Пах непаўторны наўкола стаіць.
Кветачка, кветачка, болей цвіці,
Долю шчаслівую нам прынясі!

Да цяперашняга часу невядома, знайшоў хто- небудзь гэту кветку шчасце.

Настаўнік: Вось такая незвычайная гэта папараць-кветка! І ваша задача сёння, праявіўшы фантазію, стварыць свой варыянт цуда-кветкі.

2. Цякучы інструктаж.

- Перш, чым пачнем маляваць, давайце ўспомнім аб правілах працы з пэндзлем і фарбамі.

1. Пэндзлікам не размахваць, каб не выпацкаць суседа.