Операциялық жүйе орнату

Операциялық жүйені орнату

Linux операциялық жүйесінің өзі қосымша бағдарламасыз және графикалық интерфейссіз ұсынылады. Сондықтан, түпкі қолданушысы үшін копмпаниялар және ұйымдар әр түрлі Linux-ке арнап дистрибутивтерді құрады. Бұл практикалық жұмыста openSUSE Linux 12.2 орнату жолдары жазылады.

• Дискті ДК-ға жүктеген кезде пайда болған бастапқы орнату терезесінде пернетақтадан F2 батырмасын басу;
• Пайда болған тілдер тізімінен қолданушыға түсінікті тілді таңдау (Мысалы, орыс тілі);
• Ұсынылған мәзірде: «қатқыл дисктен жүктеу»; «орнату»; «жүйені қалпына келтіру»; «орнату тасымалдауышын тексеру»;  «орнатылуын тексеру»; «жадыны тексеру» – тізімдерінен «орнату» пунктін таңдап Enter пернесін басу;

«Дайындық» бөлімі

• «Қош келдіңіздер» бөлігінде қажет тілді таңдап лицензия мәтінін аударып оқып, «Келесі» батырмасын басу;
• «Жүйе сараптамасы» бөлігінде, жүйені толық анықтап, сараптама жасайды, «Келесі» батырмасын басу;
• «Орнату режімі» бөлігінде тек бір ғана режім қолжетімді «Жаңа орнату», «Келесі» батырмасын басу;
• «Уақыт және уақыт белдеуі» бөлігінде, аймақты уақыт белдеуін таңдап, «Келесі батырмасын басу»;
• «Жұмыс үстелін таңдау» бөлігінде: «GNOME жұмыс үстелі»; «KDE жұмыс үстелі»; «басқалары» – тізімдері ұсынылады осының ішінен үнсіздікте тұрған «KDE жұмыс үстелін» таңдап, «Келесі» батырмасын басу;
• «Ұсынылатын белгілеулер» бөлігінде, openSUSE автоматты түрде компьютер сипатына және дисктегі қолжетімді кеңістікке сүйеніп дисктерді белгілейді, «Келесі» батырмасын басу;
• «Қолданушыны баптау» бөлігінде, жаңа қолданушыны құру үшін, қолданушы атын, паролін және парольдің растауын енгізіп, «Келесі» батырмасын басу;

«Орнату» бөлімі

• «Орнату шолуы» бөлігіндегі «Орнату параметрі» терезесінде барлық баптаулар жинақталған, «Орнату» батырмасын басу;
• «Орнатуды растау» терезесінде «Орнату» батырмасын басу;

«Орнатуды орындау» бөлімінде орнату барысында ақпараттық слайдтар openSUSE мүмкіндіктерін айтады. Жиынтықта электронды поштамен жұмыс істейтін бағдарлама браузері бар.

LibreOffice құжаттармен, электронды кестелермен жұмыс істеуге және презентацияларды құруға мүмкіндік береді.