Әр түлік мал ұшасын ішкі ағзалары арқылы ажырату
Автор: Adeka Beisen • Февраль 26, 2018 • Практическая работа • 15,126 Слов (61 Страниц) • 1,435 Просмотры
№5 зертханалық сабақ
Әр түлік мал ұшасын ішкі ағзалары арқылы ажырату
Сабақтың мақсаты: Әр түлік мал еттерін ішкі ағзаларының ерекшеліктеріне және майдың еру температурасына, гликоген, преципитация реакцияларына байланысты ажырату әдістерін үйрену
Құралдар мен реактивтер: әр түлік мал ішкі ағзалары, 200-300 г ет сынамалары, қысқыш, қандауыр, таразы, преципитация реакциясына арналған пробиркалар, цилиндрлер, колбалар, тамыздықтар, физиологиялық ертінділер, дистилденген су, термометрлер, шыны түтікшелер, рефрактометрлер, майдың еру температурасына арналған аспап
Жұмыс жоспары
1.Әр түлік мал ұшасын ішкі ағзалары арқылы анықтау
2.Преципитация реакциясын жүргізу
3.Майдың балқу температрасын анықтау
4.Еттің қай малдан екендігі туралы қортынды жасау
Сабақтың мазмұны: Сезімдік зерттеу тәсілі әр түлік малдың етін бір-бірінен ажырату үшін етті малдәрігерлік сараптан өткізерде, біріншіден сыртқы морфологиялық көріністеріне көңіл аударады. Бұл зерттеуде сезім мүшелерінің көмегімен еттің иісі, түсі, пішін үлесімі, консистенциясын және қаңқа сүйектердің ерекшеліктері ескерілді
Жұмысты жүргізу тәртібі:
1.Сиыр, түйе және жылқы ағзаларының негізгі айырмашылықтары
Ағза | Жылқы | Сиыр | Түйе |
Тіл | Беті тегіс, ұзын, түбі жалпақтанған | Тілдің ұшы сүйірленіп, ортасында ісік тәріздес белдік бар | Бет жағынан мүйіз емізікшілі эпите-лиамен жабылған. |
Өкпе | Сол өкпе екі, ал оң өкпе үш бөліктен тұрады. Бөліктердің шекарасы байқалмайды. | Сол өкпе үш бөліктен, ал оң өкпе төрт-бес бөлік-тен тұрады, бөлшектері жақсы байқалады | Сол өкпе ұш, оң өкпе төрт бөліктен тұрады. Жылқы-ның өкпесіне ұқсайды |
Көк бауыр | Үш бұрышты, беті тегіс, орақ тәріздес иілген. Жаңа сойылған малдан алынған талақ көкшіл түсті болып кейіннен қара-қызыл түске енеді, шеті доғалданған | Үсті тегіс, ұзынша, аздап иілген, өгіз және семіз бұқаның талағы қызыл-қошқыл, тығыз, шеті доғалданған, сиырда көкшілсары, шілсары, жұмсақтау, шеті үшкір-ленген | Орақ мәрізді, шеттері шамалы толған. |
Бауыр | Үш бөлікті, анық білінеді, еті жоқ | Үш бөлікті,нашар байқалады, еті бар | Шеттері үшкір, нығыз. |
Бүйрек | Жылтыр, бөлшектенбеген, бір тамырлы, сол бүйрек бұршақ тәріздес, оң жақтағы үш бұрышты | 16-18 бөліктен тұрады. Қой мен ешкіде тұтас, бөлінбеген | Жылтыр, бұршақ тәріздес.Оң жақ бүйрегі бүгілген, соң жақ бүгірі дөңгелек |
2. Преципитация реакциясы. Бұл реакция әр түлік малдың етін-бір-бірінен ажыратуға ең дұрыс нәтиже береді.Преципитация реакциясы пісірілген, тұздалған, мұздатылған еттерді де қай малдікі екенін анықтайды. Реакция преципитациялық сарысудың сәйкес антигенімен қосылып тұнба түзеу қасиетіне негізделген. Реакцияны жүргізу үшін әр түлік малдың қанының сарысуымен және оған сәйкес преципитациялаушы сарысулар қажет. Сарысу көп сақталатын жағдайда оның астына хлороформ енгізеді де, үйлестірілген тығында шыны сауыттарға құйып қояды.Жұмыс жүргізер алдында преципитациялық сарысулардың титрі және сәйкестілігі анықталады. Ол былайша жүргізіледі: белгілі малдан алынған қан сарысуынан 1:100, 1: 1000, 1:500, 1:10000 т.с.с (ампула сыртындағы көрсеткіші бойынша) түрінде ертінді дайындалады. Ертіндіні түбі жіңішкеленіп келетін кішкене пробиркаңа дайындаған дұрыс. Жоғарыдағы көрсетілген әртүрлі дәрежедегі ертіндінің 0,9 мл-не пастерлік түтікшенің көмегімен 0,1 мл преципитациялаушы сывортока төменгі жағынан енгізіледі. Преципитациялаушы сарысуды барлық пробиркаға бір түтікшемен енгізуге болады.Бірақ әрқашан енгізуді ең төменгі дәрежелі ертіндіден бастау қажет.
...